25% இட ஒதுக்கீடு

 ஏழை மாணவர்களுக்கு தனியார் பள்ளிகளில் இலவச சேர்க்கை: ஏப். 22 முதல் விண்ணப்பிக்கலாம்

பொருளாதார அளவில் நலிவடைந்தோர் தங்களது குழந்தைகளை எந்தவிதக் கட்டணமும் இல்லாமல் தனியார் பள்ளியில் ஒன்றாம் வகுப்பு அல்லது எல்.கே.ஜி. வகுப்பில் சேர்க்க வரும் ஏப். 22-ஆம் தேதி முதல் விண்ணப்பிக்கலாம்

இது குறித்து மெட்ரிகுலேஷன் பள்ளிகளுக்கான இயக்குநர் எஸ்.கண்ணப்பன் புதன்கிழமை வெளியிட்டுள்ள செய்திக் குறிப்பு

பொருளாதாரத்தில் நலிவுற்றவர்களின் குழந்தைகள் தனியார் பள்ளிகளில் கல்வி பெற முடியாத சூழ்நிலை இருந்து வந்தது

இதையடுத்து கடந்த 2009-ஆம் ஆண்டு இலவச கட்டாயக் கல்விச் சட்டத்தை, மத்திய அரசு கொண்டு வந்தது. 

அனைத்து தனியார் பள்ளிகளிலும் எல்.கே.ஜி. சேர்க்கையில் 25 சதவீத இடஒதுக்கீட்டை ஏழை, எளிய மாணவர்களுக்கு வழங்க வேண்டும் என்பதே அந்தச் சட்டம் ஆகும்.

அதன்படி  தமிழகத்தில் 2013-2014-ஆம் கல்வி ஆண்டில் இருந்து, ஏழை மாணவர்களுக்கு தனியார் பள்ளிகளில் 25 சதவீத இடஒதுக்கீடு நடைமுறைப்படுத்தப்பட்டு வருகிறது.

வரும் கல்வியாண்டில் சிறுபான்மையற்ற தனியார் பள்ளிகளில் சேர்க்கை பெற ஏப்.22-ஆம் தேதி முதல் மே 18-ஆம் தேதி வரை விண்ணப்பிக்கலாம்.

பள்ளிக்கு ஒரு கிலோ மீட்டர் தொலைவு வரை உள்ளவர்களுக்கு முன்னுரிமை வழங்கப்படும். 

விண்ணப்பம் செய்பவர்கள் குழந்தையின் புகைப்படம், பிறப்புச் சான்றிதழ், குடும்ப அட்டை, வருமானச் சான்றிதழ் போன்றவற்றை இணைக்க வேண்டும்.

எங்கு விண்ணப்பிக்கலாம்?

இணைய வசதி இல்லாதோர் முதன்மைக் கல்வி அலுவலர்,

மெட்ரிகுலேஷன் பள்ளிகளுக்கான ஆய்வாளர் அலுவலகம், 

மாவட்டத் தொடக்கக் கல்வி அலுவலர் அலுவலகம், 

மாவட்டக் கல்வி அலுவலர் அலுவலகம், 

உதவி தொடக்கக் கல்வி அலுவலர் அலுவலகம், 

அனைவருக்கும் கல்வி இயக்க வட்டார வள மைய அலுவலகங்களிலும் சேர்க்கைக்கான விண்ணப்பங்களை இணைய வழியில் விண்ணப்பிக்க ஏற்பாடுகள் செய்யப்பட்டுள்ளன.

இது தொடர்பாக பள்ளிகளில் விண்ணப்பங்கள் ஏதேனும் பெறப்பட்டால், பெற்றோர்களுக்கு ஒப்புகைச் சீட்டு வழங்கப்படும். இந்த விண்ணப்பங்களைப் பள்ளியிலேயே இணைய வழியில் பதிவேற்றம் செய்யலாம் அல்லது ஏற்கெனவே குறிப்பிட்டுள்ள இடங்களில் இணைய வழியில் பதிவேற்றம் செய்யலாம்.

ஒவ்வொரு பள்ளியிலும் நிர்ணயிக்கப்பட்ட இடங்களைவிட அதிகமாக விண்ணப்பங்கள் பெறப்பட்டால் வெளிப்படையான முறையில் குலுக்கல் நடத்தி மாணவர் தேர்வு செய்யப்படுவர்.

அந்தந்த பள்ளிகளில் குறிப்பிட்ட நாள் அன்று நடத்திடும் குலுக்கல் நிகழ்வுகளை கல்வித் துறை அதிகாரிகள் மற்றும் மாவட்ட ஆட்சியர் நியமிக்கும் இதர அரசுத் துறை அதிகாரிகள் கண்காணிப்பர்.

கடந்த ஆண்டு எந்தெந்தப் பள்ளியில் எவ்வளவு இடங்கள் உள்ளன என்ற விவரங்களை http://www.dge.tn.gov.in/  என்ற இணையதளப் பக்கத்தில் பார்த்துத் தெரிந்து கொள்ளலாம்.

தாய் பத்திரம் தொலைந்துவிட்டால் என்ன செய்வது

தாய் பத்திரம் தொலைந்துவிட்டால் என்ன செய்வது?

எஸ்.முருகேசன்
🌹🌹🌹🌹🙏🙏
‘உங்கள் வீட்டுத் தாய் பத்திரம் எந்த ஊரில் தொலைந்ததோ, அந்த ஊரின் காவல் நிலையத்தில் உடனே பத்திர விவரத்தை குறிப்பிட்டு காணவில்லை என்று புகார் தந்து முதல் தகவல் அறிக்கை (எஃப்ஐஆர்) பெறுவது அவசியம். காவல் துறையினர் அந்த ஆவணத்தை யாராவது கண்டெடுத்து காவல் நிலையத்தில் தந்திருக்கிறார்களா என்று பார்ப்பார்கள். அல்லது விசாரிப்பார்கள். தாய் பத்திரம் கிடைக்கவில்லை என்றால்,' பத்திரம் கண்டுபிடிக்க முடியவில்லை' (Non Tracable) என போலீஸார் சான்றிதழ் கொடுப்பார்கள்.

இதன்பிறகு, பத்திர விவரங்கள் மற்றும் காவல் துறை அளித்த சான்றிதழுடன் உங்களின் குடும்ப வழக்குரைஞரை அணுகவும். அவர் ஆவணத்தைக் காணவில்லை, கண்டெடுப்போர் குறிப்பிட்ட காலத்துக்குள் தன்னிடம் ஒப்படைக்குமாறு இரண்டு பத்திரிகைகளில் (ஒன்று தமிழ், மற்றொன்று ஆங்கிலம்) விளம்பரம் செய்வார். விளம்பரம் செய்து 15 நாட்களுக்குள் ஆவணங்கள் வழக்குரைஞருக்கு கிடைத்தால் உங்களிடம் ஒப்படைப்பார்.

விளம்பரம் தந்தபின்னும் ஆவணங்கள் கிடைக்கவில்லை என்றால் ஆவணத்தின் நகலை (Certified copy) சார் பதிவாளர் அலுவலகத்தில் இருந்து பெற்று, விளம்பரம் செய்த பத்திரிகையுடன் இணைத்து உங்கள் வழக்குரைஞர் ஒரு சான்றிதழ் வழங்குவார். அந்தச் சான்றிதழ் மூலம் நீங்கள் மேற்குரிய சொத்தினை எந்தவொரு வில்லங்கமும் இல்லாமல் ஆண்டு அனுபவித்து வரலாம். இருப்பினும் தொலைந்த ஆவணங்கள் காலி நிலத்தினுடையது என்றால், தங்கள் மனைவி, மகள், மகன் பெயர்களில் ஒரு தான செட்டில்மென்ட் (Settlement deed) எழுதி வைத்துவிடுவது நல்லது.’’

பத்திரம் தொலைந்து விட்டதா?

பத்திரம் தொலைந்து விட்டதா?
கட்டாயம் செய்ய வேண்டிய 19 விஷயங்கள்!

நன்றி எஸ்.முருகேசன்
🌹🌹🌹🌹🌹🙏🙏

1. பத்திரம் தொலைந்ததை தெரிந்தவுடன் தீர ஆராய்ந்து எங்கெல்லாம் தொலைந்து இருக்கும் என மனதை நடுநிலையோடு உணர்ச்சி வசப்படாமல் தேடி பார்க்கவும்.

2. பிறகு காவல் நிலையத்திற்கு சென்று தொலைந்து விட்ட விஷயத்தை தெளிவாக எழுதி புகாராக அளியுங்கள்.

3. பணியில் இருக்கும் காவல் அதிகாரியின் கையொப்பம் மற்றும் காவல் நிலைய முத்திரையுடன் புகார் பெற்றுக் கொண்ட இரசீது பெற வேண்டும்.

4. பிறகு அவர்களும் இரண்டு மூன்று நாட்கள் தேடிபார்க்க சொல்வார்கள். அதன் பிறகும் கிடைக்க வில்லை என்றால் காவல் நிலையத்தில் F.I.R. பதிவு செய்வார்கள்.

5. பிறகு பிரபல பத்திரிக்கைகளில் பத்திரம் காணவில்லை என்று விளம்பரம் கொடுக்க வேண்டும்.

6.அதன் பிறகும் பத்திரம் உங்கள் கைக்கு கிடைக்கவில்லை என்றால். காவல் நிலையத்தில் பொறுப்பு காவலரை சந்தித்து சொத்து ஆவணத்தின் முக்கியத்துவத்தை சொல்லி சீக்கிரம் NOT TRACEBLE கண்டுபிடிக்கவில்லை என்று சான்று பெறுதல் வேண்டும்.

7. பிறகு நோட்டரி வழக்கறிஞர் மூலம் முத்திரைத்தாளில் பத்திரம் தொலைந்து விட்டது என உறுதி சான்று (AFFIDAVIT) பெறுதல் வேண்டும்.

8. பத்திர அலுவலகத்தில் உங்களுடைய பத்திர நகலை COPY OF DOCUMENT போட்டு நகலை பெறுதல் வேண்டும்.

9. இனி முதல் உங்களுடைய 1.நோட்டரி உறுதி மொழி பத்திரம் 2. பத்திரிகை விளம்பரம் நகல் 3. காவல் நிலைய புகார் மனு இரசீது 5. F.I.R. & 6.NOT TRACEBLE சான்று ஆகிய ஆறு ஆவணங்களும் இருந்தால் தான் உங்கள் “நகல் பத்திரம்” தொலைந்த ஒரிஜினல் ஆவணங்களுக்கு பதிலாக பயன்படுத்த முடியும்.

10. மேற்படி வேலைகள் எல்லாம், செய்ய பணம், உழைப்பு, நேரம் ஆகியவற்றை செலவு செய்ய வேண்டும். வேறு வழியில்லை இவற்றை செய்வதால்தான் பத்திரம் செல்லும்.

11. பத்திரம் தொலைந்த இடத்தை வாங்குபவர் பத்திரம் தொலைந்ததை கேள்விப்பட்டால் பத்திரம் யாரிடமோ அடமானத்தில் இருக்குமோ என்ற அச்சமும் சந்தேகமும் உருவாகும்.

12. பத்திரம் தொலைந்த இடத்தை வாங்கியவர் மேற்படி, F.I.R, NOT TRACEBLE சான்று, பேப்பர் விளம்பரம், நோட்டரி அவிடவிட் போன்றவை இருந்தாலும் பத்திரம் வேறு ஏதாவது அடமானத்தில் இருக்கிறதா எனதீவிர கள விசாரணை செய்தல் வேண்டும்.

13.வாங்குபவரும், இந்த இடத்தை வாங்க போகிறேன் மேற்படி பத்திரங்கள் தொலைந்துவிட்டது. யாருக்காவது ஆட்சபனைகள் இருந்தால் 15 நாட்களுக்குள் தெரிவிக்கவும், எதிர்காலத்தில் ஏதாவது உரிமைகோரல்கள் வந்தால் செல்லாது என வழக்கறிஞர் மூலம் விளம்பரம் கொடுத்தல் வேண்டும்.

14. நாம் வாங்கிய சொத்து பத்திரமாக பாதுகாப்பான இடத்தில் வைப்போம்., நெருப்பு எண்ணெய் இங்க், பெயிண்ட் போன்ற பொருட்கள் பத்திரத்தில் படாத இடத்தில் வைக்க வேண்டும்.

15 பத்திரம் செய்யும் போதே இரண்டாம் பிரதி ( SECOND COPY) என்று குறைவான முத்திரைத்தாளில் பத்திரத்தில் என்னவெல்லாம் எழுதியிக்கிறோமோ அதே போல் எழுதி பத்திர அலுவகத்தில் அதே எண்ணில் பதிவு செய்யலாம்.

16. மேற்படி SECOND COPY யை E.B பெயர் மாற்றத்திற்கு, பட்டா பெயர் மாற்றத்திற்கே, கட்டிட அனுமதிக்கு என தேவையான இடங்களில் ஒரிஜினலுக்கு பதில் II nd copy யை கட்டலாம். இதனால் ஒரிஜினல் வெளியில் நடமாடும் வாய்ப்பு மிக குறைவு.

17. பெரும்பாலும் ஒரிஜினல் நகல் எடுக்கும் கடைகளில், நகல் எடுக்க செல்லும் போதோ அதிகம் தொலைகிறது. பத்திரத்தை ஒரு நகல் கலர் Xerox COPY போட்டு அதனை MASTER COPY ஆக பயன்படுத்தலாம்

18. இப்பொழுது எல்லா பத்திரங்களையும் முறையாகவே SCAN செய்து உங்களில் GOOGLE DRIVE இல் SOFT COPY ஆக வைத்து கொள்வது மிகப்பயனுள்ளது தேவைப்படும் போது SOFTCOPY கள் மூலம்நகல் எடுத்து கொள்ளலாம்.

19. பத்திரங்களை பஸ்களில் பெரும்பாலும் தொலைப்பவர்கள் பத்திரத்தை நல்ல பைலில் வைத்து கைப்பைகளில் வைக்காமல், வெறும் கையில் சுருட்டி வைத்து கொண்டு செல்லும் நபர்கள் தான் தொலைக்கிறார்கள்

வதந்திகளை தடுக்க தொடர் நடவடிக்கை: 

வாட்ஸ் அப் நிறுவனம் தகவல்

கட்செவி அஞ்சல் (வாட்ஸ் அப்) மூலம் வதந்திகள் மற்றும் அவதூறு செய்திகள் பரப்புவதைத் தடுக்க நடவடிக்கை எடுக்கப்பட்டு வருகிறது என்று அந்த நிறுவனம் கூறியுள்ளது.

மக்களவைத் தேர்தல் நெருங்கும் நிலையில் கட்செவி அஞ்சல், சுட்டுரை (டுவிட்டர்), முகநூல் (ஃபேஸ்புக்) ஆகியவை சமூக வலைதளங்கள் பிரசாரத்துக்கு பயன்படுத்தப்படுகின்றன.

இதில், ஏராளமான வதந்திகளும், அவதூறுகளும் பரப்பப்படுவது பெரும் பிரச்னையை ஏற்படுத்துகிறது.

 தேர்தல் நெருங்கி வரும் நிலையில் சமூக ஊடகங்களில் அரசியல்ரீதியான அவதூறுகளும் அதிகரித்து வருகின்றன. 

கடந்த 2016-ஆம் ஆண்டில் நடைபெற்ற அமெரிக்க அதிபர் தேர்தலில், ஜனநாயக கட்சியின் வேட்பாளர் ஹிலாரி கிளிண்டனுக்கு எதிராக சமூக வலைதளங்கள் மூலம் எதிர்மறையான கருத்துகளை ரஷிய அமைப்புகள் பரப்பியதாக குற்றச்சாட்டு எழுந்தது குறிப்பிடத்தக்கது. 

வரும் மக்களவைத் தேர்தலில் வெளிநாடுகளின் தலையீட்டை ஒருபோதும் அனுமதிக்கக் கூடாது; 

அமெரிக்காவில் எழுந்தது போன்ற புகார்கள், இந்தியாவில் எழாமலிருப்பதை உறுதி செய்ய வேண்டும் என்று சுட்டுரை (டுவிட்டர்) நிறுவனத்துக்கு நாடாளுமன்ற நிலைக் குழு அறிவுறுத்தியுள்ளது. 

இந்நிலையில் கட்செவி அஞ்சல் நிறுவனத்தின் இந்தியப் பிரிவு தலைவராக அறிவிக்கப்பட்டுள்ள அபிஜித் போஸ் அனைத்து ஊடகங்களுக்கும் மின்னஞ்சல் ஒன்றை அனுப்பியுள்ளார். அதில் அவர் கூறியதாவது:

கட்செவி அஞ்சலைப் பயன்படுத்துபவர்களின் தனிப்பட்ட தகவல்களை பாதுகாக்க முக்கியத்துவம் கொடுக்கும் அதே நேரத்தில், வதந்திகள் பரப்பப்படுவதைத் தடுக்கவும் உரிய முக்கியத்துவம் கொடுக்கப்பட்டு வருகிறது. இந்தியாவுக்காக குறைதீர் அதிகாரி நியமிக்கப்பட்டுள்ளார். 

ஒரு தகவலை ஒரே நேரத்தில் 5 நபர்களுக்கு மேல் பகிர முடியாது என்ற கட்டுப்பாட்டை கொண்டு வந்துள்ளோம். இதுபோன்ற மேலும் பல நடவடிக்கைகளை மேற்கொள்வது குறித்து ஆலோசித்து வருகிறோம் என்று கூறியுள்ளார்

தேர்தல் புகார் வாட்ஸ் அப் எண் - 94454 67707

சென்னை:
தேர்தல் நடத்தை விதிகள் அமலுக்கு வந்திருப்பதால் வாகன சோதனை நடத்தி பொதுமக்களின் பணம் பறிமுதல் செய்யும் நடவடிக்கை அதிகரித்துள்ளது.

துணி உள்ளிட்டவற்றை மொத்தமாக வாங்கி சில்லறை வணிகம் செய்பவர்களும், மகளுக்கோ, மகனுக்கோ திருமண ஏற்பாடுகளை செய்து கொண்டிருப்பவர்கள் கூட இந்த வாகன சோதனையால் பாதிக்கப்படுகிறார்கள்.

http://cchepnlg.blogspot.com/?m=1

இந்த நிலையில், தமிழக தலைமைத் தேர்தல் அதிகாரி சத்யபிரதா சாஹு செய்தியாளர்களை சந்தித்தார்.

அப்போது அவர் கூறியதாவது, தேர்தல் தொடர்பாக முறைகேடுகள் நடந்தால் புகார் அளிக்க
வாட்ஸ் அப் எண் - 94454 67707ஐ தொடர்பு கொள்ளலாம் என்றும்,
1800 4256 669 என்ற இலவச தொலைபேசி எண்ணில் தொடர்பு கொண்டும் புகார் தெரிவிக்கலாம் என்று கூறினார்.

மேலும், சந்தேகத்துக்குரிய பணப்புழக்கம் குறித்து உரிய நடவடிக்கை எடுக்க அறிவுறுத்தப்பட்டுள்ளது.

வாகன சோதனையின் போது, பணம் பறிமுதல் செய்யப்பட்டாலும் உரிய ஆவணங்களை காட்டி திரும்பப் பெற்றுக் கொள்ளலாம்.

பொதுமக்கள் உரிய ஆவணங்கள் இன்றி ரூ.50 ஆயிரத்துக்கு மேல் கொண்டு செல்லலாம். அதற்கு மேல் ஆவணங்கள் இன்றி பணம் கொண்டு சென்றால்தான் பறிமுதல் செய்யப்படும்.

அதோடு, ரூ.10 லட்சத்துக்கு மேல் உரிய ஆவணத்துடன் பணம் கொண்டு செல்லப்பட்டாலும் அது குறித்து வருமான வரித்துறையினரிடம் தகவல் தெரிவிக்கப்படும்.

அதே சமயம் வணிகர்கள் பாதிக்கப்படாத வகையில் சோதனை நடத்தப்படும் என்றும் சத்யபிரதா சாஹு தெரிவித்துள்ளார்.

தேர்தல்நுகர்வோர் அமைப்புகள் சம்பந்தமான ஆலோசனையில்

தேர்தல் சம்பந்தமான ஆலோசனையில்

நுகர்வோர் குறை தீர் மன்றத்தில் உறுப்பினர்களாக சேர்க்கும் போது நுகர்வோர் அமைப்பு பிரதிநிதி கட்டாயம் ஒருவர் நியமிக்கப்படவேண்டும். 

நுகர்வோர் குறைதீர் மன்றங்களில் நுகர்வோர் அமைப்பினர் மற்றும் நுகர்வோர் வழக்கறிஞர் உதவியில்லாமல் நேரடியாக வழக்கு தொடரும்போது எதிர்மனுதாரர் வழக்கறிஞர் நியமிக்க தடை விதிக்க வேண்டும். 

நுகர்வோர் விழிப்புணர்வு பணிகளை மேற்கொள்ள நுகர்வோர் அமைப்புகளுக்கு நிதி வழங்க வேண்டும்.  நிகழ்ச்சி நடத்தும் முன் பாதி தொகை நிகழ்ச்சி முடிந்தபின் மீதி செலவின தொகை வழங்கிட வேண்டும்.  

குறிப்பாக நுகர்வோர் பாதுகாப்பு துறை. தர நிர்னய அமைவனம், சில்க் மார்க் எரிவாயு நுகர்வோர் விழிப்புணர்வு உணவு கலப்பட விழிப்புணர்வு போன்றவை நடத்தும் போது நுகர்வோர் அமைப்புகள் மூலம் நடத்த நடவடிக்கை தேவை.  அங்கீகரிக்கப்பட்ட நுகர்வோர் அமைப்புகள் இயங்கஅரசு சார்பில் நிதி உதவி அளிக்க வேண்டும்.

மாவட்டங்களில் இயங்கும் வணிக நிறுவனங்கள் தங்களில் செயல்பாடுகளை குறதை்து மாவட்ட ஆட்சியர் தலைமையில் இயங்கும் மாவட்ட நுகர்வோர் குழுக்களுக்கு அனுப்பி அவர்களிடம் இருந்தும் சான்றிதழ் பெற வேண்டும்.

நுகர்வோர் காலாண்டு கூட்டம் நடத்த வேண்டிய துறைகளில் முறையாக நுகர்வோர் கூட்டம் நடத்துவதற்கான நடவடிக்கை எடுப்பதோடு,  நுகர்வோர் சார்ந்த குறைபாடுகளை களைய விரைவான நடவடிக்கை எடுக்கவும் உரிய அறிவுரை தேவை.

மாவட்டந்தோறும் உணவு பகுப்பாய்வு கூடங்களை அமைக்க நடவடிக்கை எடுக்க வேண்டும்.

மாவட்ட ஆட்சியர் தலைமையிலான விலை கண்காணிப்பு குழுக்கள் முறைபடுத்தி செயல்பட வைப்பதோடு  விலை உயர்வுகள்  மற்றும் இதர கட்டண நிர்ணயங்களை ஒழுங்குபடுத்த மேற்படி குழுவிடம் அனுமதி பெற வேண்டும்.  இந்த குழுவில் அங்கிகரிக்கப்பட்ட நுகர்வோர் அமைப்பு பிரதிநிதிதுவம் இருக்க வேண்டும்.

நுகர்வோர் பாதுகாப்பு சட்டப்படி நுகர்வோர் குறை தீர் மன்றங்களில் விரைவான தீர்வு பெற உரிய நடவடிக்கை எடுத்தல் அவசியம். அதன் அடிப்படையில்  வருவாய் கோட்ட அளவில் நுகர்வோர் குறை தீர் மன்றங்கள் அமைக்க வேண்டும்,  வாரம் இரண்டு நாட்களாகவது தற்போது ஆரம்பித்து அதன்பின் வழக்கு செயல்பாடுகளுக்கேற்ப தொடர்ந்து அனைத்து நாட்கள் நடத்துவதற்கான முயற்சிகள் மேற்கொள்ள வேண்டும்.

ஒருங்கிணைந்த நுகர்வோர் பாதுகாப்பு துறை அதாவது உணவு கலப்படம், தர நிர்ணயம், எடையளவு கட்டுபாடு, நுகர்வோர் பாதுகாப்பு, போன்ற நுகர்வேரர் சார்ந்த துறைகளை ஒருங்கிணைத்து   ஒருங்கிணைந்த நுகர்வோர் பாதுகாப்பு துறையாக அமைக்க வேண்டும். இதன் மூலம் நுகர்வோர் சார்ந்த குறைகளை ஒரு முகாமாக கொண்டு வந்து விரைவான நடவடிக்கை எடுக்க வேண்டும்.

கடைகளில் நுகர்வோர் வாங்கும் பொருட்களுக்கு உரிய ரசீது கிடைப்பதை உறுதி செய்ய வேண்டும்.

நுகர்வோர் ஆர்வலர்களுக்கு பாதுகாப்பு மற்றும் அவர்களின் சேவையை கணக்கில் கொண்டு அவர்களுக்கு முதுமை பாதுகாப்பு மற்றம் இறந்தால் குடும்பத்திற்கு உதவி செய்யப்பட வேண்டும்.  இதனை முறைபடுத்த நுகர்வோர் வாரியம் அமைக்க வேண்டும்.

அரசு நடத்தும் நுகர்வோர் கூட்டங்களில் பஙகேற்கும் அங்கிகரிக்கப்பட்ட நுகர்வோர் அமைப்பு நுகர்வோர் ஆர்வலர்களுக்கு பயணப்படி வழங்க வேண்டும்.