விளம்பரம்:- இது நம்மை எப்படியெல்லாம் ஆட்டு வைக்கிறது !

விளம்பரம்:-  இது நம்மை எப்படியெல்லாம் ஆட்டு வைக்கிறது !

அரைமணி நேரம் தலையில் எண்ணை ஊறினாலும் உள்ளே இறங்காது என்று பகுத்தறிவு பேசிய நம்மை  அரை நிமிடம் கூட தலையில் ஊறாத "ஷாம்பு" தலைக்கு "ப்ரோ விட்டமின் B" தரும் என்று நம்ப வைக்கிறது. சீயக்காய் ஷாம்பு வாக வந்தால்தான் தலையில் வேலை செய்யும் என நம்ப வைத்ததும் விளம்பரம்தான். 

உப்பில் பல் தேய்த்தது தவறு என்று நம்ப வைத்ததும் விளம்பரம்தான். இன்று உங்க பேஸ்டில் உப்பு இருக்கா என்று காஜல் அகர்வால் கேட்பதும் விளம்பரம் தான். 

வாங்கும் போதே 30 சதவிகிதம் வரை நஷ்டத்துடன் நாம் வாங்கும் ஒரே பண்டம் தங்கம்தான். அதை சந்தோஷமாக சிரித்தபடி வாங்க வைத்தது "வளையல் திருவிழா"...விளம்பரம்தான். 

சரி..அதை  அதே 30 சதவிகிதம் வரை நஷ்டத்துடன் விற்கும் போதும் சிரித்தபடி நம்மை விற்று "கனவுகளை நினைவாக்க" சொல்வதும் விளம்பரம்தான். 

3 லட்சம் சதுர அடியில் அரண்மனை உங்களுக்காக கட்டப்படுவதாக சினேகா சத்தியம் செய்வது எப்பேர்பட்ட மகிழ்ச்சி.. ! அத்தனை பெரிய கட்டிடத்தில் நீங்கள் காரில் வந்தாலும் உங்களுக்கு "பார்க்கிங்" கூட கிடையாது என்பது உங்களுக்கு புரிவதில்லை. எல்லாம் விளம்பரம்தான். 

1000 ரூபாய் புடவையை 3000 ரூபாய்க்கு வாங்கி வெளியே வரும் போது ஒரு தொன்னை சக்கரைபொங்கல் தருகிறான் பாருங்கள். அவன் நல்லவன். 30 வினாடி விளம்பரத்தில் நடிக்க கமலுக்கு 3 கோடி தரும் அவர் அதை யார் தலையில் கட்டுவார் என்று கேட்க நம்மை மறக்க அடிப்பதும் விளம்பரம்தான். 

விற்கப்படும் வீடுகளுக்கு மனைகளுக்கு சாக்கடை வசதிகள் இருக்கிறதா? பாதுகாக்கப் பட்ட குடிநீர் வசதி இருக்கிறதா என்று யோசிக்க விடாமல் "சிங்களா டிசைட் பண்ணி டபுளா ஒகே" பண்ண ராஜா சொல்றாரு பாருங்க ...அங்க நிக்குது விளம்பரம். 

அமிர்தா எல்லோருக்கும் வெளிநாட்டில்  வேலை கொடுத்ததா?
ராதிகாவை கேட்பீர்களா?

பூஸ்ட் / ஹார்லிக்ஸ் இதுவரை உலகில் யாரையாவது வளர்த்து இருக்கிறது  என்று கேட்டிருக்கீர்களா?  ஆனால் இந்தியாவில் நடக்குதப்பா!  கபில்தேவ், சச்சின், விராட் கோலி இப்படி எல்லோரும் சொல்றாங்களே!

நேற்றுவரை எண்ணை கெடுதல் என்றவன் இன்று பூரி சாப்பிட்டால் "கார்பொரேட் மீட்டிங்" கில் பிரமாதமான தீர்வு சொல்வான் என்பதை சொல்வதும்  விளம்பரம்தான். 

ஒரு எண்ணையில் வடை சுட்டால் உங்களுக்கு ரத்த கொதிப்பு, சக்கரை நோய், சத்து குறைவு நரம்பு தளர்ச்சி நியாபக மறதி இப்படி எல்லா பிரச்சனையும் போகும் என்பது தெரியுமா?  (உள்மூலம் வெளி மூலம் உள்பட .. :) )  வைட்டமின் A முதல் Z வரை இருக்குப்பா !!  விளம்பரம்தான். 

கொஞ்சம் கூட சுயசிந்தனை அற்றவர்களா நம்மை இவர்கள் கொஞ்சம் கொஞ்சமாக மழுங்க அடிப்பது உங்களுக்கு தெரியவில்லை. அந்த மட்டில் அவர்களுக்கு வெற்றியே.

அடமானக் கடனை மீட்கவே முடியாதா?

அடமானக் கடனை மீட்கவே முடியாதா? 


ஒரு நபர் தன் நிலத்தை அவசர தேவையின் காரணமாக அடமானமாக வைத்து கடன் பெறுகிறார். பொதுவாகவே கடன் வாங்குவது என்பது வேகமாக ஓடுகின்ற நதியில் நீச்சல் தெரிந்த நபர் எதிர்நீச்சல் போடுவது போல ஆபத்தான பயணமாகும். 

அதேசமயத்தில் தன்னுடைய சொத்தை அடமானம் வைத்து கடன் வாங்குவது நீச்சலே தெரியாத ஒரு நபர் ஓடுகின்ற காட்டாற்று வெள்ளத்தில் எதிர்த்து நீந்த முயற்சி செய்வது போன்ற மிகுந்த ஆபத்தான செயலாகும். அது வங்கியின் மூலம் வாங்கிய கடன் அல்லது தனியாரிடம் வாங்கிய கடன் எதுவாக இருந்தாலும் கண்ணிமைக்கும் நேரத்தில் வட்டி குட்டிபோட்டு அடமானம் வைத்த சொத்தை இழந்திட நேரிடும். 

முறையாக அசலும் செலுத்திடாமல், வட்டியும் செலுத்திடாமல் அடமானச் சொத்து ஏலத்திற்கு வந்து வேறு ஒருவர் அதை வாங்கிய பிறகு பணத்தை மொத்தமாக திரட்டி அடமானக் கடனை திருப்பி செலுத்தி தன் சொத்தை திரும்ப பெற முயற்சி செய்வது கண்கெட்ட பிறகு சூரிய நமஸ்காரம் என்பது போல் ஆகிவிடுகிறது. இது சம்பந்தமான ஒரு வழக்கு உச்சநீதிமன்றத்தின் அமர்வு நீதிமன்றத்தின் முன்பாக விசாரணைக்கு வந்தது. மனுதாரர் Allokam Peddabbaya என்ற நபர் தன்னுடைய அடமானச் சொத்தை ஏலத்திற்கு வந்த பிறகு மீட்கவே முடியாதா? என்ற தனது ஆதங்கத்தை மறுஆய்வு மனுவாக தாக்கல் செய்து விசாரணை நடத்தும்படி கேட்டிருந்தார். அதனை விசாரித்த நீதிபதிகள், Transfer of the property Act (1882) பிரிவு 60 ன்படி கடன் பொருட்டு அடமானம் வைக்கப்பட்ட சொத்து முறையாக அசலும், வட்டியும் கட்டாததால் ஏலத்திற்கு வந்து விற்கப்பட்டு வேறு ஒரு நபருக்கு சுவாதீனமும் கொடுக்கப்பட்ட பிறகு கடன்காரர் முழுத்தொகையையும் வட்டியுடன் செலுத்தினாலும் நிச்சயமாக அடமானச் சொத்தை திரும்ப மீட்க முடியாது என்று தீர்ப்பு கூறினார்கள். 

SC. No- 671/2017

Allokam Peddabbaya Vs Allahabad Bank 

dt -  19.6.2017

வாடகை ஒப்பந்த பத்திரம் - மாதிரி

வாடகை ஒப்பந்த பத்திரம் - மாதிரி
வாடகை ஒப்பந்த பத்திரம்

--------- ம் வருடம் ---------------- மாதம் ---- ஆம் தேதி 23, சேதுபதி நகர், chennai திரு Raja அவர்கள்
1வது பார்ட்டியாகவும்(வீட்டின் உரிமையாளர்)

சொந்த ஊரான் -----------------மாவட்டம், --------------- வட்டம்,-----------------தெரு, கதவு எண்---------- ல் வசித்து வரும் திரு/திருமதி ------------------------
அவர்கள் 2வது பார்ட்டியாகவும் (வாடகைதாரர்)

மேற்சொன்ன 1வது பார்ட்டிக்குச் சொந்தமான 23 சேதுபதி நகர், chennai முதல் தளத்தில் அமைந்துள்ள வீட்டினை நம்மில் 2வது பார்ட்டி
குடியிருப்பதற்காக வேண்டி 1வது பார்ட்டியினை அணுகி வாடகைக்குக் கேட்க, அதற்கு 1வது பார்ட்டி, 2வது பார்ட்டிக்கு வாடகைக்கு விடுவதற்க்கு ஒப்புக்கொண்டு
கீழ்கண்ட சாட்சிகளின் முன்னிலையில் இந்த ஒப்பந்தத்தை எழுதிக் கொண்டுள்ளனர்.

ஆக, நாம் 1,2 ம் பார்ட்டிகளும் சேர்ந்து மனப்பூர்வமாய் சம்மதித்து எழுதிக் கொண்ட வாடகை ஒப்பந்தப் பத்திரம் என்னவென்றால்

1. நம்மில் 2வது பார்ட்டி மேற்படி வீட்டிற்கு மாத வாடகையாய் ரூபாய் ---------------------(ரூபாய் ------------------------------------------------------------------------------------------------------------------------------)
பிரதி ஆங்கில மாதம் 7-ம் தேதிக்குள் 1வது பார்ட்டி வசம் கொடுத்து விட வேண்டியது.

2. 1வது பார்ட்டியிடம் 2வது பார்ட்டி இன்று ----------------------------------------------------- ரூபாய் -------------------------------------------------------- மட்டும் ரொக்கமாக செலுத்தி உள்ளார். மேற்படி
தொகையை நம்மில் 2வது பார்ட்டி வீட்டினை காலி செய்து கொண்டு போகும் போது 1வது பார்ட்டி திருப்பிக் கொடுத்து விட வேண்டியது. மேற்படி இந்த அட்வான்ஸ் தொகைக்கு
வட்டி ஏதும் கிடையாது.

3. 1வது பார்ட்டி தற்போதுள்ள வீட்டினை எப்படி ஒப்படைத்தாரோ அதே நிலையில் 2வது பார்ட்டி மேற்படி வீட்டினை காலி செய்யும் சமயத்தில் சேதமில்லாமல் ஒப்படைக்க வேண்டும்.
  மேற்படி வீட்டில் ஏதாவது சேதம் இருந்தால் 1வது பார்ட்டி அட்வான்ஸ் தொகையில் சேதத்தின் மதிப்பை கழித்துக் கொண்டு 2வது பார்டியிடம் ஒப்படைக்க வேண்டும். 

4. 2வது பார்ட்டி மேற்படி வீட்டிற்கு உபயோகிக்கும் மின்சாரக் கட்டணத்தை மீட்டர் அளவுப்படி மின்சார அலுவலகத்தில் தானே செலுத்திக் கொள்ள வேண்டியது.

5. 2 வது பார்ட்டி பொதுப் பயன்பாட்டிற்கான மின்கட்டணம் மற்றும் தண்ணீர் போன்றவற்றிக்கு ரூபாய் ------------- பிரதி ஆங்கில மாதம் 7-ம் தேதிக்குள் 1வது பார்ட்டி வசம் கொடுத்து விட வேண்டியது.

6. இந்த வாடகை ஒப்பந்தம் இன்றைய தேதியிலிருந்து 11 மாத காலக் கொடுவிற்கு உட்பட்டது. அதாவது ------------------------- தேதி முதல் ------------------------------- தேதி வரையிலான 11 மாத காலத்திற்கு உட்பட்டது.

7. 11 மாத காலக் கெடுவிற்குள் 1வது பார்டிக்கு வீடு தேவைப்பட்டால் 2வது பார்ட்டிக்கு 2 மாத முன்னறிவிப்பு கொடுக்க வேண்டும். அதே போல் 2வது பார்ட்டி வீட்டை காலி செய்ய விரும்பினால் 2 மாத முன்னறிவிப்பு
கொடுத்து விட்டு காலி செய்ய வேண்டியது.

8. மேற்படி வாடகை ஒப்பந்தப் பத்திரத்தை 11 மாத காலம் முடிந்த பின்பு இருவரின் ஒப்புதலின் பேரில் புதுப்பித்துக் கொள்ள வேண்டியது.

9. 2வது பார்ட்டி மேற்படி வீட்டில் குடியிருப்பதைத் தவிர வேறு எந்த விதமான உபயோகத்திற்கும் பயன் படுத்த்தக் கூடாது.

10. 2வது பார்ட்டி மேற்படி வீட்டை வேறு யாருக்கும் மேல் வாடகைக்கோ அல்லது உள் வாடகைக்கோ விடக்கூடாது.

11. 2வது பார்ட்டி தொடர்ந்து மூன்று மாத காலம் வாடகையைத் செலுத்தத் தவறும் பட்சத்தில் மேற்படி வீட்டை காலி செய்ய 1வது பார்ட்டிக்கும் உரிமையுண்டு.

இப்படியாக நாம் இரண்டு பார்ட்டிகளும் சேர்ந்து மனப்பூர்வமாய் சம்மதித்து எழுதிக் கொண்ட வீட்டு வாடகை ஒப்பந்தப் பத்திரம்.

வாடகை சொத்து விபரம்.

23, முதல் தளம்,  சேதுபதி நகர், chennai-600026,

1வது பார்ட்டி
(வீட்டின் உரிமையாளர்)

2வது பார்ட்டி
(வாடகைதாரர்)

சாட்சிகள்

1)

2)

நில அளவை – நிலவரித்திட்டம் – தீர்வை விதிப்பு:

நில அளவை – நிலவரித்திட்டம் – தீர்வை விதிப்பு:
================================================
நில அளவை:
-------------------------------------------------------------------------------------------------------------------------------------
ஒரு நில அளவை புலத்தின் ஒரு பாகமோ அல்லது பாகங்களோ அதிக பரப்புடையதாக இருந்தால் நில ஒப்படை, நில எடுப்பு, நில மாற்றம் மற்றும் இதர காரணங்களுக்கு நிலம் தேவைப்படும் போது அந்த நிலத்தை தனியே பதிய வேண்டியுள்ளது.

மேற்கண்ட நேர்வில், ஒரு புலம் 20 ஹெக்டர் அல்லது அதற்கு மேற்பட்டோ இருந்தாலும் சம்பந்தப்பட்ட நில அளவை புலத்தினை(Sub-division) உட்பிரிவு செய்வதற்குப் பதிலாக அவைகளுக்கு தனி எல்லைகள் குறிப்பிட்டு வரைபடம் தயாரித்து அவைகளை புதிய அளவை survey எண்ணாகப் பதிய வேண்டும்.
புதிதாக உருவாக்கப்பட உள்ள புலங்களுக்கு அந்தக் கிராமத்தில் கடைசியாக பதிவாகியுள்ள புல எண்ணில் இருந்து தொடர்ச்சியாக எண்கள் கொடுக்க வேண்டும்.

பிரிவினை செய்த நில அளவை புலத்தின் மீதிப் பாகத்திற்கு அதன் அசல் எண்ணையே இடவேண்டும்.
கீழ்க்கண்டவை தமிழ்நாடு 1923 வருடம் 8-ஆவது சட்டத்தின்படி நடவடிக்கைக்குட்பட்டவையாகும்.

தற்போதுள்ள நில அளவை புலங்களிருந்து ஏற்படுத்தப்படும் புதிய நில அளவை புலங்கள் சம்மந்தமாகவும்
தற்போதுள்ள நில அளவை புலங்களின் எல்லைகளில் செய்யப்படும் மாறுதல்கள் சம்மந்தமாகவும் புறம்போக்கு எல்லைகளைப் பாதிக்கும் உட்பிரிவுகள் சம்பந்தமாகவும் தீர்வை விதிக்கப்பட்ட வகையிலிருந்து புறம்போக்காக மாற்றுவதனால் ஏற்படும் எல்லை வரையறுப்புகள் சம்பந்தமாகவும்(நில எடுப்பு)

1. கிராம வரைப்படம்:
------------------------------------------------------------------------------------------------------------------------------------
ஒரு வருவாய்க் கிராமத்தின் அமைப்பைக் குறிப்பிடும் வரைபடமாகும்.
இதில் சர்வே எண்கள், அந்த புலன்களில் உள்ள குடியிருப்புப் பகுதிகள், மயானம், மசூதி பாதை,ரோடு, கல்வெட்டுகள், வாய்க்கால், ஏரி, ஆறுகள், இரயில்வே பாதைகள், பெரிய மின்சார கம்பி தடங்கள் மற்றும் புராதனச் சின்னங்கள் ஆகிய சர்வே அடையாள விவரங்கள்(Survey Details) அச்சிடப்பட்டிருக்கும்.
இந்த வரைபடத்தை வைத்துக் கொண்டு ஒரு நில அளவு புலம் எங்கே அமைந்துள்ளது என்பதனை எளிதில் அறிந்து கொள்ளலாம்.

2. ‘டி’ ஸ்கெட்ச்
------------------------------------------------------------------------------------------------------------------------------------
ஒரு கிராம வரைபடத்தை பல பகுதிகளாக பிரித்து பல புலன்கள் அடங்கிய, ஒரு பகுதிக்கு ஒரு வரைபடமாக தயாரித்து ஒரு கிராமத்திற்கு பல சுவடுகளில் புத்தக வடிவில் பராமரிக்கப்படுகிறது.
இதில் நில அளவைக் கற்கள் அமைந்துள்ள இடங்கள், புறம்போக்கு நிலங்கள் அமைந்துள்ள இடங்களும் குறிக்கப்பட்டிருக்கும்.
இந்த வரைப்படத்தினைப் பயன்படுத்தி பயிராய்வின் போது சர்வே கற்கள் உள்ள இடம் மற்றும் புறம்போக்கு நிலங்கள் உள்ள இடங்களை எளிதில் அடையாளம் கண்டு கொள்ளலாம்.
3. புல வரைபடம்:
---------------------------
ஒரு வருவாய் கிராமமானது பல நில அளவை புலன்கள் கொண்டதாகும்.
ஒவ்வொரு புலத்திற்கும் ஒவ்வொரு வரைபடம் தயார் செய்யப்பட்டு கிராமத்திற்கு மொத்தமாக புத்தகவடிவில் பராமரிக்கப்படுகிறது. ஒவ்வொரு புலப்படத்திலும் அந்த புலத்தில் உள்ள உட்பிரிவுகள், நில அளவுகள் மற்றும் ‘லேடர்’ அட்டவணை ஆகிய விவரங்கள் வரையப்பட்டிருக்கும்.
நில எடுப்பு, நில மாற்றம், உட்பிரிவுகள் முதலிய நிலையான மாற்றங்கள் நேரிடும் போது அதற்குண்டான ஆணைக்கு ஏற்ப, நில அளவர் புலப்படத்தில் மாறுதல் செய்வார்(Plotted in the sketches). கிராம நிர்வாக அலுவலர் எந்த மாறுதல்களையும் இதில் செய்யக் கூடாது.
புலத்தணிக்கை செய்யும்போது இந்த புல வரைப்படத்தின் மூலம் ஒரு குறிப்பிட்ட புலம் அல்லது உட்பிரிவு எங்கே அமைந்துள்ளது என்பதனை தெரிந்துக் கொள்ளலாம்.
4.சர்வே கற்கள் பதிவேடு:
---------------------------------------
இது இரண்டு வகைப்படும்.

‘A’ கற்கள் பதிவேடு
‘B’ கற்கள் பதிவேடு

ஒவ்வொரு மாதத்திலும் கிராம நிர்வாக அலுவலர் புலன் ஆய்வு செய்யும் போது ‘D’ ஸ்கெட்சை வைத்துக் கொண்டு, அதில் குறிப்பிட்டுள்ள நில அளவைக் கற்கள் உள்ளனவா அல்லது இல்லையா என்று தெரிந்துக் கொண்டு மாதந்தோறும் வட்டத் தலைமை நில அளவருக்கு அறிக்கை அனுப்ப வேண்டும்.
மேலும் காணாமல் போன கற்களை புதுப்பிப்பதற்கு ஏற்பாடு செய்ய வேண்டும், காணாமல் போன கற்களை புதுப்பிப்பதற்கு ஆகும் செலவினை கணக்கிட்டு நிலவரி பாக்கிபோல் வசூல் செய்ய வேண்டும்.
நிலங்களை பூமியில் உள்ளவாறு பிரிவு மற்றும் உட்பிரிவு செய்து கிராம புலப்படம் தயார் செய்து கிராம நிர்வாக அலுவலர்கள் அவற்றைப் பாதுகாத்து வருகின்றனர்.

டிப்போ பதிவேடு:
------------------------------------------------------------------------------------------------------------------------------------
சில வருவாய் கிராமங்களில் நில அளவை பராமரிப்பு பணிகளுக்காக ‘A’ & ‘B’ கற்கள் இருப்பு வைக்கப்பட்டுள்ளது. அதற்கான இருப்புப் பதிவேடு சம்பந்தப்பட்ட கிராம நிர்வாக அலுவலரிடம் ஒப்படைக்கப்பட்டுள்ளது.
சர்வே டிப்போவிலிருந்து கற்களை பராமரிப்பு வேலைகளுக்கு எடுக்கும் போது இந்தப் பதிவேட்டில் பதிவு செய்து சம்பந்தப் பட்டவர்களிடம் ஒப்படைக்க வேண்டும்.
கணக்கில் ஏற்படும் குறைபாடுகளுக்கு கிராம நிர்வாக அலுவலர் பொறுப்பாவார்.
19. Art 51A(G)வில் VAO-வின் பங்கு:
------------------------------------------------------
இந்திய அரசியலமைப்புச் சட்டத்தின் அடிப்படைக் கடமைகளின் கூறு 51A(G)–இல் கூறப்பட்டுள்ளது. இயற்கைச் சூழலை மேம்படுத்த காடுகள், ஏரிகள், ஆறுகள் மற்றும் வனவிலங்குகள் மற்றும் இயற்கை ஆதாரங்களைப் பாதுகாத்தல்.
நிர்வாகத்துறைக்கு சொந்தமான காடுகள், ஏரிகள், ஆறுகள் மற்றும் வனவிலங்குகள், இயற்கை ஆதாரங்களைப் பாதுகாப்பதில் கிராமநிர்வாக அலுவலர் முக்கியப் பங்கு வகிக்கிறார். காடுகள்
சில கிராமங்களில் நிர்வாகத்துறைக்கு சொந்தமான சமூகக் காடுகள், அரசுக்கு சொந்தமான காடுகள் இருக்கும் அவற்றைப் பாதுகாக்க கிராம நிர்வாக அலுவலர் கடமைப்பட்டுள்ளார்.
காடுகளைப் பாதுகாப்பதில் VAO-வின் பங்கு
காடுகளில் உள்ள முக்கியப் பரப்பளவை வரைபடம் மூலமும், அவற்றில் உள்ள Areaவை ஆக்கிரமிப்பு செய்யும் பகுதிகளை உடனே வட்டாட்சியர் துணையைக் கொண்டு அகற்ற வேண்டும்.
மலைவாழ் மக்களின் வாழ்வாதாரம் எப்படி பட்டது என்பதனை தனி ஆய்வு செய்து புதிதாக வேறு நபர்கள் காட்டுப் பகுதிகளில் குடியேற அனுமதிக்கக் கூடாது.
அரியவகை மரங்கள் மற்றும் அரியவகை மூலிகைகளை போன்றவையை பாதுகாக்கவும் அவற்றை வெட்டுவோருக்கு பலமடங்கு அபராதம் விதித்து தொகையை வசூல் செய்ய வேண்டும்.

ஏரிகளைப் பாதுகாப்பதில் VAOவின் பங்கு:
ஏரிகள், கண்மாய்கள் போன்றவை கிராமத்தின் முக்கிய நீர் ஆதாரம் ஆகும்.
இவற்றின் மொத்த பரப்பளவு கூடுதலாக இருக்கும் அவற்றை புலப்படம் மூலம் தெரிந்து கொள்ள வேண்டும்.
ஏரி உள்ள மொத்த பரப்பளவில் ஏரிக்கரை ஓரத்தில் குடிசை அமைத்து ஆக்கிரமிப்பு செய்யும் நபர்களை உடனடியாக அகற்ற வேண்டும்.
”ஏரி”, “கண்மாய்”, “குளம்” போன்ற நீர்நிலை பகுதிகளில் உள்ள மணல் பகுதிகளையும், செம்மண் போன்ற கனிம வளங்களைப் பாதுகாக்க நடவடிக்கை எடுக்க வேண்டும்.
கனிமவளம் திருட்டு நடக்கும் போது அவற்றை கிராம உதவியாளர் மூலமும், மற்றவர் துணைகொண்டும் தடுக்க வேண்டும். உடனடியாக வட்டாட்சியருக்குத் தகவல் அளிக்க வேண்டும்.

ஆறுகள் மற்றும் இதர ஆதாரங்களைப் பாதுகாப்பது
ஆக்ரமணம் ஏற்படாதபடி பாதுகாப்பது.
மணல் திருட்டு நடைபெறா வண்ணம் தடுப்பது
ஆறுகளில் துர்வாரும் பணி நடைபெறும் போது கவனிப்பது
பொதுப்பணித் துறையின் உதவியுடன் ஆறு பாதுகாப்பு நடவடிக்கைகளை மேற்கொள்வது போன்றவை.
வன விலங்குகளைப் பாதுகாப்பது:
காடுகள் அதிகம் உள்ள பகுதிகளில் வனவிலங்குகள் கிராமத்தில் புகுந்து நாசம் ஏற்படாதபடி வனத்துறைக்கு தகவல் அளிப்பது
வனப்பகுதியில் வாழும் மான், யானை, போன்ற விலங்குகளை வேட்டையாடாமல் தடுக்க வனத்துறை அலுவலருக்கு தகவல் அளிப்பது
கிராமத்தில் ‘வனப் பாதுகாப்பு’ பற்றியும் அரிய விலங்கினம் பாதுகாப்பது பற்றியும் விழிப்புணர்வு கருத்தரங்கம் நடத்துவது.
குளக்கரையில் மரங்கள் வைத்து சமூகக் காடுகள் உருவாக்குவது, இருக்கும் காடுகளின் பரப்பளவை மேம்படுத்துவது, வனத்துறையின் மரங்களை வெட்டுதல் மற்றும் அரிய வகை விலங்குகளை வேட்டையாடாமல் பாதுகாப்பது முக்கியக் கடமையாகும்.

இந்திய அரசியலமைப்புச் சட்டம் 51-A-யின் படியாக அரசுக்குச் சொந்தமான ஏரி, ஆறு, கால்வாய், அனைத்தையும் பாதுகாப்பது VAOவின் முக்கியக் கடமையாகும்.
நிலவரித் திட்டம்:
----------------------------
நிலவரித் திட்ட அலுவலர், நிலவரித் திட்டம் செயலாக்கும் பகுதியைச் சுற்றிப்பார்த்து அப்பகுதியின் விவரங்களை சேகரித்து விரிவான சுற்றாய்வு அறிக்கையை அரசுக்கு அனுப்பி வைப்பார்.
விவரங்கள் : மக்கள்தொகை, மக்கள் வாழ்க்கைத் தரம், வசதி, வருவாய், மழையளவு, மண் வகைகள், பாசன ஆதாரங்கள், பயிர் வகைகள், போக்குவரத்து வசதி, மார்க்கெட் நிலவரம்.
இந்த சுற்றாய்வு அறிக்கையினை அரசு அங்கீகாரம் செய்த பின்பு, அந்தப் பகுதிக்குண்டான நிலவரித் திட்ட அறிக்கை(Notification) தயார் செய்யப்படுகிறது.
தீர்வை விதிப்பு
நிலத்தின் பயன்பாடுக்கு ஏற்ப நிலவர் திட்டத்தின் அடிப்படையில் வகைப்படுத்தப்படுகிறது அவை:
நன்செய்
புன்செய்
மானாவாரி
நன்செய் : நன் + செய் என பிரித்து நன் + நீர் என்றும் செய் – நிலம் எனவும் பொருள் கொண்டு – நீர்ப்பாய்ச்சலான நிலம் என்று அமைந்துள்ளது.
நன்செய் வகைப்பாடு
ஒரு போக நன்செய்(Single crop wet)
இரு போக நன்செய்(Double crop wet)
இணக்கம் செய்யப்பட்ட இரு போக நன்செய்(Compounded double Crop wet land) என மூன்று வகைகளாக பிரிக்கப்பட்டுள்ளன.
அரசாங்க நீர்ப்பாசன ஆதாரங்கள் மூலம் பாசன வசதி பெறக்கூடிய நிலங்கள் நன்செய் நிலங்கள் எனப்படும்.
புன்செய் நிலங்கள் தனியார் கிணறுகளில் நீர்ப்பாசன வசதி பெற்றவையாகும்.
நன்செய் நிலங்கள்
நீர் ஆதாரம் / பாசன வசதியைக் கொண்டு வகைப்படுத்தப்படுகிறது.
நீர்ப்பாசன ஆதாரங்கள் 5 வகையாகப் பிரிக்கப்பட்டுள்ளன.
1-ஆம் வகை : காவிரி ஆறு போன்று ஆண்டு முழுவதும் நீர் கிடைக்கக் கூடியவை.
2-ஆம் வகை : 8 மாதம் முதல் 10 மாதங்கள் வரை நீர் கிடைக்கக் கூடியவை.
3-ஆம் வகை : 5 மாதம் முதல் 8 மாதங்கள் வரை நீர் கிடைக்கக் கூடியவை.
4-ஆம் வகை : மூன்று மாதம் முதல் 5 மதங்கள் வரை நீர் கிடைக்கக்கூடியவை.
5-ஆம் வகை : மூன்று மாதத்திற்குக் குறைவாக நீர் கிடைக்கக் கூடியவை.
1. மானாவாரி:
நிலத்தில் தேக்கப்பட்ட மழைநீரைக் கொண்டு அல்லது சதுப்பு நிலங்கள், சிறிய குட்டை போன்ற நீர்நிலைகளைக் கொண்டு நன்செய் பயிர்களை விளைவிக்கக் கூடிய நிலங்கள் மானாவாரி எனப்படும்.
மானாவாரி நிலங்கள் புன்செய் நிலங்களை விட சிறிது மேம்பட்டிருக்கும்.
மானாவாரி நிலங்கள் ஏரி உள் பகுதியில் அமைந்துள்ளதால் இந்நிலங்கள் ஈரத்தன்மை கொண்டதாக இருப்பதால் நன்செய் பயிர்கள் சாகுபடி செய்ய ஏதுவாக அமையும்.
2. தீர்வை ஏற்பட்ட தரிசு:
சில நிலங்கள் தீர்வை விதிக்கப்பட்டிருந்தும் நிலவரி திட்டத்தின் போது உரிமைக் கொண்டாடாத நிலையில் அதனை தீர்வை ஏற்பட்ட தரிசுகளாக வகைப்பாடு செய்யப்பட்டுள்ளது.
இந்நிலங்கள் பல்வேறு மாவட்டங்களில் “அனாதீனம்” என்றும் வகைப்பாடு செய்யப்பட்டுள்ளது.
3. புறம்போக்கு நிலங்கள்:
---------------------------------------
அரசின் கட்டுப்பாட்டில் உள்ள நிலங்கள் மற்றும் சமுதாய பயனபாட்டிற்காக உள்ள நிலங்கள் புறம்போக்கு நிலங்களாக வகைப்பாடு செய்யப்பட்டுள்ளன.
புறம்போக்கு நிலங்களில் கல்லாங்குத்து மற்றும் மேடு என்ற நிலங்களை தீர்வை ஏற்படாத தரிசு நிலங்களாகவும் மற்ற அரசு சொந்த நிலங்களை புறம்போக்கு நிலமாகவும் வகைப்பாடு செய்வர்.
நிலங்களுக்கு எவ்வாறு தீர்வை நிர்ணயிக்கப்படுகிறது
நிலவரி திட்டத்தின் போது மண்ணின் கூட்டு சேர்க்கை அமைப்பை அனுசரித்தும்
நிலங்களின் மண் வகைப்பாடுகளின் தன்மையை அனுசரித்தும் நிலங்களைப் பாகுபாடு செய்கின்றனர்.
மண்ணின் தரத்தை, முக்கிய விளைப்பொருளின் உண்மையான விளைச்சல் ஆகியவற்றை பலவிதமாக பரிசோதனை செய்து 20 ஆண்டுகளின் சராசரி தானிய விலையை மாவட்ட முழுவதற்கும் அடிப்படையாகக் கொண்டு தானியத்தை விற்பனை செய்வதற்கு ஆகும் போக்குவரத்து மற்றும் விவசாய செலவுகளை கழித்துக் கொண்டு எஞ்சியுள்ள தானிய மதிப்பு பணமாக மாற்றப்பட்டு(Conversion) மதிப்பிடப்படுகின்றன.

இந்த மதிப்பின் பாதித் தொகை நிலத்திற்காக அரசுக்கு செலுத்த வேண்டிய உச்ச நிலத் தீர்வையாக கருதப்படுகிறது. இதன் பின்னர் ஒத்த தானிய மதிப்புள்ள மண்ணின் தரம் எத்தன்மையாக இருப்பினும் அவை தரங்களின் வரிசை முறையில் ஒன்று சேர்க்கப்படுகின்றன.

நன்செய் தரத்தீர்வை நிர்ணயம்:

இவை நிலம் இருக்கும் இடத்திலிருந்து நீர்ப் பாசன ஆதாரங்களின் தன்மையை அனுசரித்து நன்செய் தரத்தீர்வை நிர்ணயம் செய்யப்படுகிறது.

புன்செய் தரத்தீர்வை நிர்ணயம்:

புன்செய் நிலமாக இருந்தால் அவை சாலைகளுக்கும், சந்தைகளுக்கும் அண்மையில் உள்ளதை அனுசரித்தும் தரத்தீர்வை நிர்ணயிக்கப்படுகிறது.

தரத்தீர்வை அடுத்த நிலவரித் திட்டம் அமலாக்கும் வரை மாற்றப்படுவதில்லை.
நிலவரி - அரசு பாக்கிகள் - நிலவரி வசூல் சட்டத்தின் கீழ் வசூல் செய்யும் நடைமுறை

நிலவரி:
நிலவரியில் தரத் தீர்வை, பசலி ஜாஸ்தி, தீர்வை ஜாஸ்தி அபராதம், புறம்போக்கு நிலவரி அபராதம் உள்ளூர் மேல்வரி(LC) உள்ளூர் மிகு மேல்வரி(LCS) ஆகியவை அடங்கும். நிலையான வஜாக்கள் மற்றும் பருவக்கால வஜாக்கள் ஆகியவை கணக்கிட்டு அவை தரத் தீர்வையிலிருந்து கழிக்கப்படுகின்றன.
இவ்வாறாக மொத்தத் தொகை கணக்கிடப்பட்டு புன்செய், நன்செய் தீர்வை கழிவுகள் கழிக்கப்படுகின்றன. இவ்வாறாக கழிக்கப்பட்ட நிகரத் தொகைக்கு நிலவரி என்பார்கள். அத்துடன் நன்செய் நிலங்களுக்கு விதிக்கப்படும் கூடுதல் நன்செய் தீர்வை, கூடுதல் தண்ணீர் தீர்வை ஆகியவையும் சேர்த்து அந்த பட்டாதாரர் செலுத்த வேண்டிய நிலவாரியாக நிர்ணயம் செய்யப்படுகிறது.

கிராம நிர்வாக அலுவலர் ஒவ்வொரு பசலியிலும் டிசம்பர் மாதம் ஒரு தோராய கேட்பு பட்டியல்(Provisional Demand) தயார் செய்து வட்டாட்சியரின் ஒப்புதல் பெற்று ஜனவரி மாதத்திலிருந்து நான்கு தவணைகளாக நிலவரியை வசூல் செய்ய வேண்டும். இந்த நிலவரியுடன் கிராம நிர்வாக அலுவலர் நிலவரி பாக்கி மீது வட்டியாக விதிக்கப்பட்ட அபராதத் தொகையையும் வசூல் செய்ய வேண்டும்.

கிராம நிர்வாக அலுவலர் நிலவரி தவிர கீழ்க்கண்ட இதர பாக்கிகளையும் நிலவரி போல் வசூல் செய்ய வேண்டும்.

வாரகம்
நகர்ப்புற் நிலவரி
நிலக் குத்தகை
நிலச் சீர்திருத்தச் சட்டத்தின்படி குத்தகை மற்றும் நில மதிப்பு
முத்திரைத் தாள் சட்டத்தின் கீழ் விதிக்கப்பட்ட தொகை
வறியர் வழக்கு பாக்கி
சர்வே சி.எஸ்.எம். (எ) மற்றும் சி.எஸ்.எம். (பி)
விவசாய வருமான வரி
அபிவிருத்தி வரி
பல வகையான வருவாய் பாக்கிகள்

கிராம நிர்வாக அலுவலகர்கள் எந்த தொகை வசூல் செய்தாலும் அதற்குண்டான பற்றுச் சீட்டு செலுத்தியவருக்கு வழங்க வேண்டும். இத்தகைய வசூலான பணத்தை கிராமக் கணக்கு 13-இல் கணக்கிட்டு அதனை தாமதமில்லாமல் குறிப்பிட்ட நாளில் அரசுக் கணக்கில் செலுத்திட வேண்டும். எக்காரணத்தைக் கொண்டும் மாத இறுதிக்கு மேல் வசூல் செய்யப்பட்ட எந்தத் தொகையையும் கையிருப்பில் வைத்திருக்கக் கூடாது. அப்படி வைத்திருந்தால் அதனை தற்காலிகமாகக் கையாடல் செய்யப்பட்டதாகவே கருதப்படும்.
அதற்குண்டான நடவடிக்கைக்கு கிராம நிர்வாக அலுவலர்கள் உட்படுவார்கள். பட்டாதாரர்கள் நிலவரியை Revenue Money Order மூலமும் குறிப்பிட்டத் தொகைக்கு மேலிருந்தால் நேரடியாகவும் வங்கியில் செலுத்தலாம்

பட்டா,அடங்கல்,சிட்டா

பட்டா,அடங்கல்,சிட்டா மற்றும் நிலம் சம்மந்தப்பட்ட அனைத்திற்கும் புரியும் படியான விளக்கம் அளித்துள்ளேன். 
~~~~~~~~~~~~~~~~~~~~~~~~~~~~
படித்து பயன் அடையுங்கள்! பகிர்ந்து மற்றவர்களுக்கும் விழிப்புணர்வு ஏற்படுத்த உதவுங்கள்! 
~~~~~~~~~~~~~~~~~~~~~~~~~~~~
பட்டா: ஒரு நிலம் இன்னார் பெயரில் உள்ளது என்பதை குறிக்கும் வகையில் வருவாய்துறை அளிக்கும் சான்றிதழ்.

சிட்டா: குறிப்பிட்ட நிலத்தின் பரப்பளவு அதன் பயன்பாடு, யாருடையகட்டுபாட்டில் உள்ளது என்பது தொடர்பான விவரங்கள் அடங்கிய வருவாய்த்துறை ஆவணம்.

அடங்கல்: நிலத்தின் பரப்பு, பயன்பாடு, கிராமத்தின் மொத்த நிலத்தில் இது எந்த பகுதயில் உள்ளது என்ற விவரங்கள் அடங்கிய வருவாய்த்துறை ஆவணம்.

கிராம நத்தம்: ஒவ்வொரு கிராமத்திலும் குடியிருப்பு பயன்பாட்டுக்காக ஒதுக்கப்பட்டுள்ள நிலம்.

கிராம தானம்: கிராமத்தின் பொது பயன்பாட்டுக்காக நிலத்தை ஒதுக்குவது.

தேவதானம்: கோவில் பயன்பாட்டுக்காக குறிப்பிட்ட நிலத்தை தானமாக அளித்தல்.

இனாம்தார்: பொது நோக்கத்துக்காக தனது நிலத்தை இலவசமாக அளித்தவரை குறிக்க பயன்படுத்தும் சொல்

விஸ்தீரணம்: நிலத்தின் பரப்பளவு. எல்லைகளை குறிப்பது.

ஷரத்து: பிரிவு.

இலாகா: துறை.

கிரயம்: நிலத்தை ஒருவருக்கு விற்பனை செய்வதை ஆவணபடுத்துதல்

வில்லங்க சான்று: ஒரு நிலத்தை ஒருவருக்கு விற்பனை செய்த அதன் உரிமையாளர், அதனை மறைத்துவிட்டு, அதே நிலத்தை வேறு ஒருவருக்கு விற்பனை செய்வது மோசடி. இந்த விவரத்தை அறிந்து கொள்ள உதவும் பதிவுத்துறை ஆவணம்.

புல எண்: நில அளவை எண்.

இறங்குரிமை: வாரிசுரிமை.

தாய்பத்திரம்: ஒரு குறிப்பிட்ட நிலம், இப்போதைய உரிமையாளருக்கு முன்னர் யாரிடம் இருந்தது என்பதை அறிய உதவும் முந்தய பரிவர்த்தன ஆவணங்கள்.

ஏற்றது ஆற்றுதல்: குறித்தவகை பொறுப்பை நிறைவற்றுவதற்கு உறுதி அளித்தல்.

அனுபவ பாத்தியதை: நிலத்தை பயன்படுத்திகொள்ளும் உரிமை.

சுவாதீனம் ஒப்படைப்பு: நிலத்தின் மீதான உரிமையை ஒப்படைத்தல்.

ஜமாபந்தி: வருவாய் தீர்வாயம்.

நன்செய்நிலம்: அதிக பாசன வசதி கொண்டநிலம்.

புன்செய்நிலம்: பாசன தேவைக்கு மழையை நம்பியுள்ள நிலம்.

குத்தகை: ஒரு நிலத்தை பயன்படுத்தும் உரிமையை குறிப்பிட்ட காலத்துக்கு சில நிபந்தனை. ( forwarded by :- M.Muthusamy, Advocate- South Indian consumer protection association ( Regd1998), WORIYUR TRICHY-620003). Thanks to Advocate Mr Pandian.
17/12/17, 17:58 - ‪+91 96264 49591‬: சில முக்கிய தீர்ப்புகள்
1. அடையாள அணிவகுப்பு காலதாமதமாக நடத்தப்பட்டால் அது செல்லாது (அரிநாத் எதிர் உ.பி. அரசு AIR 1988 SC 345)
2. காவல் நிலையத்தில் எதிரியை சாட்சியிடம் அடையாளம் காட்டினால் செல்லாது (அகமது பின் சலீம் எதிர் ஆந்திர அரசு AIR 1999 SC 1617)
3. புகைப்படம் நாளிதழ்களில் வெளியான பின் நடைபெறும் அடையாள அணிவகுப்பு செல்லாது. (ரவிந்திரா எதிர் மகராஸ்ட்ரா அரசு AIR 1998 SC 3031)
4. எல்லா வழக்குகளிலும் எதிரிகள் கைது செய்ய வேண்டியது இல்லை. (ஜோகீந்தர்குமார் எதிர் உ.பி. அரசு 1994 Crl LJ 1981)
5. கைது செய்யப்பட்டவருக்கு நடுவர் உத்தரவு இல்லாமல் கைவிலங்கிடக் கூடாது (ஜனநாயகத்திற்கான குடிமக்கள் அமைப்பு எதிர் அசாம் அரசு 1995 (3) SCC 743)
6. பிணையில் வந்தவரின் பிடி ஆணை திரும்பப்பெற அவர் நீதிமன்றத்தில் முன்னிலையாகத் தேவையில்லை. (வலியுலார் செனிட் எதிர் நல்லூர் சா.நி. 2000(3) MWN Cr 28)
7. பிணையில் வந்தவர் வேறு வழக்கில் கைது செய்யப்பட்டு பின் பிணையில் விடுவிக்கப்பட்டால் முதல் வழக்கில் தொடர்ந்து சிறையில் வைக்கக்கூடாது (அப்பு (எ) சாந்தகுமார் எதிர் தமிழக அரசு [2004 (1) TNLR 599 (Mad)]
8. குற்ற அறிக்கை தாக்கல் செய்யப்படாவிட்டால் 60 நாள் அல்லது 90 நாள் முடிந்தவுடன் பிணை வழங்க வேண்டும். (முகமது காமில் எதிர் ஆய்வாளர் சிறப்புப் புலனாய்வு (2000 (1) MWN Cr 70)
9. இலவச சட்ட உதவி பெறுவது அவரின் அடிப்படை உரிமை. (காட்ரி எதிர் பிகார் அரசு AIR 1981 Sc 928)
10. சிறைக் கைதிகளுக்கு அடிப்படை உரிமைகளை அனுபவிக்க உரிமை உண்டு. சுனில்பட்ரா எதிர் டெல்லி (AIR 1980 Sc 1579), (ராமமூர்த்தி எதிர் கர்நாடகா அரசு AIR 1997 Sc 1739), (அரசு எதிர் சாருலா சோகி AIR 1999 SC 1379)
11. கைது செய்யப்பட்டவர் 24 மணி நேரத்தில் நீதிமன்றத்தில் நிருத்தப்படாவிட்டால் அது சட்டவிரோதம். (பிரவீன்குமார் சந்திரகாந்த் எதிர் குஜராத் அரசு 2002 (1) Crime 277)
12. கைது செய்யப்பட்ட முதல் 15 நாட்களுக்குள் மட்டுமே காவல்துறை காவலில் விசாரிக்க முடியும். (சி.பி.ஐ. எதிர் அனுபம் குல்கர்னி AIR 1992 SC 1768)
13. பிணை பெற்றவர் பிணையதாரரை நீதிமன்றத்தில் முன்னிலைப் படுத்தும் போது அதனை ஏற்கும் நீதிமன்றம் உடனடியாக அவரை விடுவிக்க வேண்டும். பிணையதாரர் பற்றி விசாரிக்க வேண்டும் என்பதற்காக ஒரு நபரை தொடர்ந்து சிறையில் வைக்கக் கூடாது. (ராஜஸ்தான் அரசு எதிர் லால்சிங் 1987 Crl. LJ 269)
14. சிறைக் கைதியை அவரின் உறவினரோ, நண்பரோ பார்க்க அனுமதி மறுக்கக் கூடாது. (நெடுமாறன் எதிர் தமிழ்நாடு அரசு 2001 (2) LW Crl 805)

சட்டம் என்ன சொல்கிறது? கணவன் மனைவி

உடலுறவு கொண்டாலே அவர்கள் கணவன் மனைவி? சட்டம் என்ன சொல்கிறது? 

பெரும் பரபரப்பையும், சர்ச்சையையும் உருவாக்கி இருக்கிறது ஒரு தீர்ப்பு. சென்னை உயர்நீதிமன்ற நீதிபதி சி.எஸ்.கர்ணன் சமீபத்தில் அளித்த தீர்ப்புதான் அது.

ஒரு ஆணும் பெண்ணும் உடலுறவு கொண்டாலே சட்டப்படி அவர்கள் கணவன் – மனைவிதான் என்று அவர் தீர்ப்பளித்து இருக்கிறார்.
இதன் விவரம் என்ன ?

ஆயிஷா என்று ஒரு பெண். கோயம்புத்தூர் குடும்ப நீதிமன்றத்தில் கடந்த 2000 வது ஆண்டில் அவர் வழக்குத் தொடர்ந்தார். வழக்கில் அவர் கூறியதாவது :

” எனக்கும் ஒசிர் ஹசன் என்பவருக்கும் 16.9.1994 அன்று முஸ்லிம் வழக்கப்படி ( custom – சம்பிரதாயம் ) திருமணம் நடந்தது. அதிலிருந்து நாங்கள் சேர்ந்து வாழ்ந்து வந்தோம். எங்களுக்கு இரண்டு பெண் குழந்தைகள் பிறந்தன. பிறகு என் கணவர் 1999 ம் ஆண்டில் என்னை விட்டுப் பிரிந்து சென்றுவிட்டார். மீண்டும் சேர்ந்து வாழ எடுத்த முயற்சிகள் பலன் தரவில்லை.
எனவே எனக்கும் என் குழந்தைகளுக்கும் மாதந்தோறும் ஜீவனாம்சமாக 5000 ரூபாய், என் கணவர் தர வேண்டும் என்று இந்த நீதிமன்றம் உத்தரவிட வேண்டும். “ - என்று ஆயிஷா கோரினார்.

இது தொடர்பாக மருத்துவமனைப் படிவங்கள், ரேஷன் கார்டுக்கான விண்ணப்பம் உள்ளிட்டவற்றில் கணவன் என்ற இடத்தில் ஒசிர் ஹசன் கையெழுத்திட்டிருந்த பல்வேறு ஆவணங்களையும் நீதிமன்றத்தில் ஆயிஷா அளித்தார். சாட்சிகளையும் முன்னிறுத்தினார்.
இவற்றை ஒசிர் ஹசன் மறுத்தார். ஆயிஷா தனது மனைவி அல்ல; குழந்தைகள் தனக்குப் பிறந்தவை அல்ல என்று அவர் கூறினார். திருமணம் நடந்திருந்தால் மசூதியில் உள்ள ‘ நிக்காஹ் ‘ ( திருமணம் ) பதிவேட்டில் பதிவு செய்யப்பட்டு இருக்கும்; அப்படி ஏதும் இல்லை என்றும் அவர் கூறினார்.

ஒசிர் ஹசனின் அப்பா சாட்சியம் அளித்தபோது “ திருமணம் நடக்கவில்லை. நாங்கள் முஸ்லிம்களில் உருது பேசக்கூடிய தக்கிலி பிரிவைச் சேர்ந்தவர்கள்; ஆயிஷாவோ ராவுத்தர் பிரிவைச் சேர்ந்தவர் “ என்று கூறினார்.

வழக்கை விசாரித்த குடும்ப நீதிமன்ற நீதிபதி 2006 ம் ஆண்டில் தீர்ப்பளித்தார். தீர்ப்பு வருமாறு :

”ஆயிஷாவுக்கும் ஒசிர் ஹசனுக்கும் திருமணம் நடந்ததற்கான ஆவணம் ஏதும் இல்லை. எனவே சட்டப்படி ஆயிஷா மனைவி அல்ல. எனவே அவருக்கு ஜீவனாம்சம் பெறும் உரிமை இல்லை. ஆனால் குழந்தைகள் ஒசிர் ஹசனுக்குப் பிறந்தவைதான் என்பதற்கு ஆவணங்களும் சாட்சியங்களும் உள்ளன. இவ்வாறு சட்டமற்ற வகையில் பிறந்த குழந்தைகளுக்கும் (illegitimate children) ஜீவனாம்சம் பெற உரிமை உண்டு. ஆகவே குழந்தைகள் இருவருக்கும் தலா 500 ரூபாய் வீதம் மாதந்தோறும் ஒசிர் தர வேண்டும். வழக்குச் செலவுக்காக ஆயிஷாவுக்கு 1000 ரூபாய் தர வேண்டும் “ என்று நீதிபதி தீர்ப்பளித்தார்.

இதை எதிர்த்து சென்னை உயர்நீதிமன்றத்தில் ஆயிஷா மேல் முறையீடு செய்தார். நீதிபதி கர்ணன் இதை விசாரித்தார். ஒசிர் ஹசனோ, அவரது தரப்பிலோ யாரும் வரவில்லை. கடந்த ஜூன் 17 ல் நீதிபதி தீர்ப்பளித்தார். தீர்ப்பு விவரம் வருமாறு :

இந்தத் திருமணம் முஸ்லிம் வழக்கப்படி ( custom ) நடக்கவில்லை. எனினும் மருத்துவமனைப் படிவங்கள் உள்ளிட்ட பல ஆவணங்களில் கணவன் என்ற இடங்களில் ஒசிர் ஹஸன் கையெழுத்திட்டு இருக்கிறார்.

ஆயிஷாவும் ஒசிர் ஹஸனும் திருமணம் செய்து கொள்ள சட்டத் தடை (சகோதர உறவு, ஏற்கனவே ஒரு கணவர் இருப்பது போன்றவை) ஏதும் இல்லை. இருவரும் கணவன் – மனைவியாக வாழ்ந்து இரண்டு குழந்தைகளும் பெற்றிருக்கிறார்கள்.

திருமணச் சடங்கு என்பது வழக்க முறைதானே ( custom ) தவிர, சட்டப்படி கட்டாயம் ( mandatory ) அல்ல.

எனவே இந்த இருவரும் கணவன் – மனைவிதான். குழந்தைகளும் சட்டமற்ற வகையில் பிறந்தவர்கள் ( illegitimate children ) அல்ல; சட்டப்படியான வகையில் பிறந்தவர்கள்தான் ( legitimate children ).

எனவே சட்டப்படியான மனைவி என்ற வகையில் ஆயிஷாவுக்கும், சட்டப்படியான குழந்தைகள் என்ற வகையில் அவரது குழந்தைகளுக்கும் தலா 500 ரூபாய் மாதந்தோரும் ஒசிர் ஹசன் அளித்து வர வேண்டும். குடும்ப நீதிமன்றத்தில் வழக்குத் தொடரப்பட்ட செப்டம்பர் 2000 முதல் மே 2013 வரை உள்ள பாக்கித் தொகையை இன்னும் மூன்று மாதங்களுக்குள் தர வேண்டும்.
இவ்வாறு நீதிபதி கர்ணன் தீர்ப்பளித்தார்.

இவ்வாறு ஆயிஷாவை மனைவி என்றும், குழந்தைகளை சட்டப்படியான குழந்தைகள் என்றும் அங்கீகரித்து, ஜீவனாம்சம் வழங்க உத்தரவிட்டது மிகமிக வரவேற்கத்தக்கது.

இந்த இடத்தில் சில சட்ட விளக்கங்களைப் பார்ப்போம்.

கணவன் – மனைவி என்ற சட்டப்படியான உறவு, வாரிசு, சொத்து உள்ளிட்ட உரிமைகளைப் பெற வேண்டுமானல் ஏதேனும் ஒரு சட்டத்தின் விதிமுறைகளின்படி திருமணம் நடக்கவேண்டும். சட்டங்களுக்கு அப்பாற்பட்டு வேறுவகையில் திருமணம் செய்து கொண்டாலோ அல்லது திருமணமே செய்யாமல் சேர்ந்து வாழ்ந்தாலோ கணவன் என்றோ, மனைவி என்றோ உரிமை பெறமுடியாது.
ஜீவனாம்ச உரிமையைப் பொருத்தவரை, கணவனால் புறக்கணிக்கப்பட்ட மனைவிக்கு, அல்லது மணமுறிவு (Divorce) அளிக்கப்பட்ட மனைவிக்கு, அல்லது மணமுறிவு கேட்டுப்பெற்ற மனைவிக்கு மற்றும் குழந்தைகளுக்கு ஜீவனாம்சம் தரவேண்டும் என்று குற்றவியல் நடைமுறைச் சட்டத்தின் 125-வது பிரிவில் உள்ளது.

எனினும் கடந்த 2005-ம் ஆண்டில் நிறைவேற்றப்பட்ட ’ குடும்ப வன்முறையில் இருந்து பெண்களைப் பாதுகாக்கும் சட்டம் ‘ ஒரு விதிவிலக்கை அளித்துள்ளது.

“திருமண உறவு அல்லது திருமண உறவைப் போன்ற ஒரு உறவில் (a relationship in the nature of marriage) ஒரே வீட்டில் சேர்ந்து வாழ்ந்தாலோ, அல்லது வாழ்ந்திருந்தாலோ, அந்தப் பெண்ணுக்கும், அந்தக் குழந்தைகளுக்கும் குற்றவியல் நடைமுறைச் சட்டம் 125-வது பிரிவு பொருந்தும். ஜீவனாம்சம் தரவேண்டும்” என்று குடும்ப வன்முறைச் சட்டம் கூறுகிறது.
எனினும் திருமணம் செய்யாமல் சேர்ந்து வாழ்ந்த பெண், மனைவி என்ற அங்கீகாரத்தையும், அதன் பேரில் சொத்து உள்ளிட்ட மற்ற உரிமைகளையும் பெறுவதற்கு எந்தச் சட்டமும் வகை செய்யவில்லை.
இந்த சூழ்நிலையில்தான் சட்டவிதிமுறைப்படி திருமணம் செய்யாமல், சேர்ந்து வாழ்ந்து, குழந்தை பெற்ற ஆயிஷாவுக்கு சட்டப்படியான மனைவி என்ற அங்கீகாரத்தையும், உரிமைகளையும் வழங்கி நீதிபதி கர்ணன் தீர்ப்பளித்துள்ளார். இது மிகமிக வரவேற்கத்தக்கதுதான்.
எனினும் இந்தத் தீர்ப்பை எதிர்த்து இதே உயர்நீதிமன்றத்திலோ அல்லது உச்சநீதிமன்றத்திலோ மேல்முறையீடு செய்யப்பட்டால் இந்தத் தீர்ப்பு செல்லுமா ? செல்லாதா ?  உறுதியாகச் சொல்லமுடியாது !

ஏனென்றால் இது தொடர்பான பல வழக்குகளில் முரண்பட்ட தீர்ப்புகளை உச்சநீதிமன்றம் அளித்துள்ளது !

1999-ம் ஆண்டில் அளிக்கப்பட்ட தீர்ப்பில் “ சட்ட விதிமுறைப்படி திருமணம் செய்யாமல் கணவன் – மனைவி போல கணிசமான காலத்துக்கு (reasonably long time) சேர்ந்து வாழ்ந்தாலே, குற்றவியல் நடைமுறைச் சட்டம் பிரிவு 125-ன் படி ஜீவனாம்சம் பெறும் உரிமை அந்தப்பெண்ணுக்கு உண்டு” என்று உத்தரவிடப்பட்டது.

2005-ம் ஆண்டில் அளிக்கப்பட்ட தீர்ப்பில் “உரிமை இல்லை” என்று உத்தரவிடப்பட்டது.

2010-ம் ஆண்டு அளிக்கப்பட்ட தீர்ப்பில் “உரிமை உண்டு என்றுதான் நாங்கள் கருதுகிறோம். எனினும் இது பற்றி இந்த உச்சநீதிமன்றத்தில் மாறுபட்ட நீதியியல் கருத்துகள் உள்ளன. எனவே இந்த வழக்கை இரண்டு நீதிபதிகளுக்கு மேற்பட்ட நீதிபதிளைக் கொண்ட விரிவான பெஞ்சின் விசாரணைக்கு அனுப்புமாறு தலைமை நீதிபதியைக் கேட்டுக் கொள்கிறோம்” என்று கூறப்பட்டுள்ளது.
விஷயம் இதோடு நின்றுவிட்டது ! புதிய தீர்ப்பு ஏதும் இன்றுவரை வரவில்லை !

மேலும் ஒன்றைக் கவனிக்க வேண்டும் “உரிமை உண்டு” என்ற தீர்ப்பிலும் கூட “ஜீவனாம்சத்துக்கு மட்டும்தான் உரிமை உண்டு. சட்டப்படியான மனைவி என்ற அங்கீகாரத்தையோ, அதன்பேரில் மற்ற உரிமைகளையோ பெறமுடியாது” என்றும் கூறப்பட்டுள்ளது.
ஆனால் சென்னை உயர்நீதிமன்ற நீதிபதி கர்ணனின் தீர்ப்பில் சட்டப்படியான மனைவி என்ற அங்கீகாரமும் அளிக்கப்பட்டுள்ளது. ஆயிஷா போன்ற நிலையில் உள்ள பெண்களுக்கு இது பாதுகாப்புத் தரும். இது மிகவும் வரவேற்கத்தக்கது.

எனினும் இதை எதிர்த்து மேல்முறையீடு செய்யப்பட்டால் தீர்ப்பின் இந்த அங்கீகாரப்பகுதி செல்லாது என்று அறிவிக்கப்படும் என்பதே எனது கருத்து. ஏனென்றால் இதற்கு சட்ட ஆதாரமோ, உச்ச நீதிமன்றத் தீர்ப்பின் ஆதாரமோ இல்லை.
எனவே “ உரிமை உண்டு “ என்ற வகையில் சட்டங்கள் திருத்தப்பட வேண்டும் என்றே கருதுகிறேன்.

அடுத்து –

நீதிபதி கர்ணன் தனது தீர்ப்பில் “திருமணம் ஆகாத 21 வயது நிரம்பிய ஆணும், திருமணம் ஆகாத 18 வயது நிரம்பிய பெண்ணும் விரும்பி உடலுறவு கொண்டாலே அவர்கள் கணவன் – மனைவிதான். அவர்கள் வேறு யாரையாவது திருமணம் செய்வதாக இருந்தால் நீதிமன்றம் மூலம் மணமுறிவு பெற்ற பிறகே திருமணம் செய்யமுடியும்.” என்று கூறியிருக்கிறார்.

இது சரியாக இருக்குமா ?

திருமணம் செய்யும் எண்ணம் இல்லாமல் உடலுறவு கொள்வதும், பிறகு வேறு ஒருவரைத் திருமணம் செய்து கொள்வதும் நடக்கக் கூடியதுதான். இதில் தவறு ஏதுமில்லை.

பெரியார் சொன்னதைப்போல “ஒரு ஆணின் அல்லது ஒரு பெண்ணின் அன்பு, ஆசை, காதல், காமம், நட்பு, நேசம், மோகம், விரகம் முதலியவைகளைப் பற்றி மற்றொரு பெண்ணோ, ஆணோ மற்றும் மூன்றாம் நபர்கள் யாராயினும் பேசுவதற்கோ, ந

ிர்ணயிப்பதற்கோ, நிர்பந்திப்பதற்கோ சிறிது கூட உரிமையே கிடையாது.”

நீதிபதி கர்ணன் சொல்வதை ஏற்றுக்கொண்டால், அதாவது உடலுறவு கொண்டாலே கணவன் – மனைவிதான் என்று முத்திரை குத்தப்படும் என்றால், ஒருவரை ஒருவரோ அல்லது மற்றவர்களோ ப்ளாக்மெயில் செய்து மிரட்டுவதற்கே வழிவகுக்கும்.
மேலும், ஒருவர் பலருடன் உறவு கொண்டால் யாரை கணவனாக அல்லது மனைவியாக ஏற்பது ?
இதற்கு விதி விலக்குகள் இருக்கலாம் என்று நீதிபதி கர்ணன் சொல்கிறார். ஆனால் எது விதி விலக்கு என்று அவர் சொல்லவில்லையே!
அடுத்து –

நீதிபதி மேலும் கூறுகிறார் : “சட்டப்படி திருமணம் செய்தாலும், ஒரு முறை கூட உடலுறவு கொள்ளவில்லை என்றால் அந்தத் திருமணம் செல்லாது.”

இது சரியா ?

வயது முதிர்ந்த இருவர் வாழ்க்கைத்துணை தேவை என்பதற்காக சட்டப்படி திருமணம் செய்துகொண்டு உடலுறவு இல்லாமல் வாழ்ந்தால் அதில் என்ன தவறு ? இளமையான இருவர் கூட உடலுறவு தேவையில்லை என்று விரும்பி வாழ்ந்தால் அதில் என்ன தவறு ? அந்தத் திருமணம் செல்லாது என்று கூறி அவர்களுடைய உரிமைகளை ஏன் பறிக்கவேண்டும் ?

நீதிபதியின் இந்தக் கருத்துகள் மேல்முறையீட்டில் செல்லாது என்று அறிவிக்கப்படும் என்றே நான் கருதுகிறேன். அது மட்டுமல்ல. இந்தக் கருத்துகள் சரியும் அல்ல.

திருமணம் செய்வதாக வாக்குறுதி அளித்து, உடலுறவு கொண்டு, ஆண்களால் ஏமாற்றப்படும் அபலைப்பெண்களுக்கு பாதுகாப்பு அளிக்கவேண்டும் என்ற நல்ல எண்ணத்திலேயே நீதிபதி கர்ணன் இவ்வாறு கூறியிருக்கிறார் என்றே கருதுகிறேன்.
எனினும் இந்தக் கருத்துகள் மோசமான விளைவுகளை ஏற்படுத்தக் கூடும் என்பதால், ஏற்க இயலாது.
இது சரியல்ல என்றால், பிறகு எது சரி ?

“ஏமாற்றுபவர்களுக்கான தீர்ப்பு தண்டனையே தவிர, திருமணம் அல்ல. பெண்ணுக்கான நீதியும் அதுவாகத்தான் இருக்கமுடியும். ஏமாற்றிவிட்டு, பிறகு கட்டாயத்தின் பேரில் திருமணம் செய்துகொள்ளும் ஆண்களில் எத்தனைபேர் அவர்களது இணையரை சரியாக நடத்துவார்கள் ? திருமணம் தரும் சமூக அந்தஸ்து காரணமாகத்தான் பெண்களும் அந்த முடிவை எடுக்க நிர்பந்திக்கப்படுகிறார்கள். அப்படியான நிர்பந்தங்கள் இருக்கக்கூடாது” என்று என் மகள் கவிதா முகநூலில் எழுதியிருக்கிறார்.

இது மிகவும் சரி. பெண்ணின் சுயமரியாதையைப் பாதுகாப்பதாகவும், ஏமாற்ற நினைப்பவர்களுக்கு எச்சரிக்கையாகவும் இந்தத் தண்டனை இருக்கும். இதற்கான சட்டவிதிகளும், தீர்ப்புகளும் ஏற்கனவே உள்ளன.

எனவே “ ஏமாற்றியவனைத் திருமணம் செய்யாதே. அவனுக்குத் தண்டனை பெற்றுக்கொடு “ என்று, பாதிக்கப்பட்ட பெண்களை நாம் ஊக்குவிக்க வேண்டும்; உதவ வேண்டும்.

எனினும் ஏமாற்றியவனைத் தண்டித்து விட்டு, வேறு ஒருவனைத் திருமணம் செய்யவோ அல்லது திருமணமே செய்யாமல் வாழவோ வாய்ப்பில்லாத எளிய பெண்களுக்கு என்ன செய்வது ?

கடவுள் நம்பிக்கை இல்லாவிட்டாலும் கோவிலுக்குள் செல்லும் உரிமை வேண்டும் என்று போராடுகிறோம் அல்லவா ?
அதைப்போல, ஏமாற்றியவனைத் திருமணம் செய்யும் உரிமையைச் சட்டபூர்வமாக்க வேண்டும். இந்த உரிமையைப் பயன்படுத்துவதா இல்லை புறக்கணிப்பதா என்பதை பாதிக்கப்பட்ட பெண்ணின் விருப்பத்துக்கு விட்டுவிடவேண்டும்.

சரி, ஏமாற்றப்படும் ஆண்களுக்கு இந்த உரிமையை சட்டபூர்வமாக ஆக்கலாமா ? ஆக்கலாம் என்றே எனக்கு முதலில் தோன்றியது. எனினும் இன்றைய ஆணாதிக்க சமூகத்தில், இந்த உரிமையை ஆணுக்கும் அளித்தால், அது சரியாக பயன்படுவது விதிவிலக்காகவும், தவறாகப் பயன்படுவதே விதியாகவும் இருக்கும். எனவே இந்த உரிமையை ஆணுக்குத் தரத் தேவையில்லை என்றே கருதுகிறேன்.
ஆகவே –
உடலுறவு கொண்டாலே கணவன் – மனைவிதான் என்பது சரியா ?

சரி அல்லது தவறு என்று பொத்தாம் பொதுவாகப் பதில் சொல்ல முடியாது. சில சூழ்நிலைகளில் சரி. சில சூழ்நிலைகளில் தவறு.
எனவே ஒவ்வொரு வழக்கையும் தனித் தனியாகப் பரிசீலித்துத்தான் தீர்ப்பளிக்க வேண்டும்

லைசென்ஸ் அபராதம் விவரம்


லைசென்ஸ் அபராதம் விவரம்


லைசென்ஸ் இல்லாமல் வாகனம் ஓட்டினால் ரூ.500 (அல்லது) 3 மாத சிறை தண்டனை.


லைசென்ஸ் இல்லாதவருக்கு வாகனம் கொடுத்தால் ரூ.1000 (அல்லது) 3 மாத சிறை தண்டனை


பர்மிட் இல்லாத வாகனத்தை ஓட்டினால் (அதிகபட்சம்) ரூ.5000 (ரூ.2000க்கு குறைவில்லாமல்)


உடல் தகுதியில்லாமல் வாகனம் ஓட்டினால்(அதிகபட்சம்) ரூ.5000 (ரூ.2000க்கு குறைவில்லாமல்)

ஆர்சி புக் இல்லாத வாகனத்துக்கு ரூ.2000 -

ஒருவழிப்பாதையில் சென்றால் ரூ.100 -

நிர்ணயிக்கப்பட்ட வயது தகுதிக்கு குறைவானவர்(மைனர்) வாகனம் ஓட்டினால் ரூ.500 -

ஹெல்மெட் அணியாமல் இருசக்கர வாகனம் ஓட்டினால் ரூ.100 ரூ.300

குடிபோதையில் வாகனம் ஓட்டினால் ரூ.2000 அல்லது 6 மாத சிறை தண்டனை
இருசக்கர வாகனத்தில் 3 பேர் பயணம் செய்தால ரூ.100 ரூ.300

தேவையான நேரத்தில் லைசென்ஸ், ஆர்சி புக், இன்ஸ்யூரன்ஸ் காண்பிக்கா விட்டால் ரூ.100 ரூ.300

ஓவர் ஸ்பீடு ரூ.400 ரூ.1000
தாறுமாறாக வண்டி ஓட்டினால் ரூ.1000 ரூ.2000
ரேஸிங் தொடர்பான குற்றத்திற்கு ரூ.500 ரூ.500

இன்ஸ்யூரன்ஸ் இல்லாத ஃபோர் வீலருக்கு ரூ.700 ரூ.1000

பதிவு செய்யாத வாகனத்தை ஓட்டினால் ரூ.2500 ரூ.2500
இன்ஸ்யூரன்ஸ் இல்லாத டூ வீலருக்கு ரூ.500 ரூ.1000
இன்ஸ்யூரன்ஸ் இல்லாத கமர்ஷியல் வாகனங்களுக்கு ரூ.1000 ரூ.1000

போக்குவரத்து சிக்னல்களை அழிக்கவோ, மாற்றவோ முற்பட்டால் ரூ.100 ரூ.300

பிற மாநிலங்களில் 12 மாதங்களுக்கு மேல் புதிய பதிவு இல்லாமல் ஓட்டினால் ரூ.100 ரூ.300
வாகன உரிமையாளர் மாற்றத் தகவலை ஆர்டிஓ அலுவலகத்தில் தெரிவிக்கா விட்டால் ரூ.100 ரூ.300
சில இடங்களில் அமலில் இருக்கும் பிரத்யேக விதிகளை மீறினால் ரூ.100 ரூ.300

பொய்யான தகவல் அளித்தால் ரூ.500 ரூ.500

பிறக்கு ஆபத்தை ஏற்படுத்தும் வகையில் வாகனத்தை கிளப்பினால் ரூ.100 ரூ.300
அனுமதிக்கப்பட்டதைவிட அதிக பயணிகளை ஏற்றினால் ரூ.100 ரூ.300
பணியில் உள்ள அதிகாரியிடம் விபரம் தரமறுத்தல், ஒழுங்கீனமாகபதிலளித்தல் தொடர்பான குற்றங்களுக்கு ரூ.500 ரூ.500
லைசென்ஸ் ரத்து செய்யப்பட்டவர் வாகனம் ஓட்டினால் ரூ.500 ரூ.500

நடைபாதையி்ல் வாகனம் ஓட்டினால் ரூ.100.

வாகனத்தால் காற்று மற்றும் சப்த மாசுபாடு தொடர்பான குற்றங்களுக்கு ரூ.1000 ரூ.2000
அனுமதியில்லாமல் வாகனத்தில் மாற்றங்கள் செய்தால் (ஆல்ட்ரேஷன்) ரூ.500 ரூ.500

மொபைல்போன் பேசி்க்கொண்டே வாகனம் ஓட்டினால் ரூ.1000 (அதிகபட்சம்) -

நடுத்தர வருமானத்தினருக்கான உச்சநீதிமன்ற சட்ட உதவித்திட்டம்


நடுத்தர வருமானத்தினருக்கான உச்சநீதிமன்ற சட்ட உதவித்திட்டம்
********************.
இத்திட்டச் செயல்பாடுகள்

நடுத்தர வருமானமுள்ளவர்களுக்குச், சட்ட உதவிகளைச் செய்யும் நோக்கத்துடன் நடுத்தர  வருமானத்தினருக்கான உச்சநீதிமன்ற சட்ட உதவித் திட்டம் துவங்கப்பட்டுள்ளது. ஒரு மாதத்தின் மொத்த வருமானம் ரூ.20.000/- அல்லது ஆண்டு வருமானம் 2,40,000/- க்கு மிகாமலும் இருக்கும் குடிமக்கள் நடுத்தர வருமானமுடையவர்களாகக் கருதப்படுகின்றனர்; தகுதியுடைய சிலருக்கு மாதவருமானம் ரூ.25,000/- அல்லது ஆண்டு வருமானம் ரூ.3,00,000/- இருப்பினும் அவர்களும் நடுத்தர வருமானமுடையவர்களாகவே கருதப்படுகின்றனர். சுய சார்புடைய இத்திட்டத்தின் ஆரம்ப முதலீடு முதல் நிர்வாகக் குழுவினரால் (First Executive Committee) தரப்படும்.

இத்திட்டத்தின் கீழ்வரும் வழக்குகள்
•    உச்ச நீதிமன்றத்தில் பதிவு செய்யப்பட இருக்கும் வழக்குகள்.
•    உச்சநீதிமன்றத்தின் சட்ட எல்லைக்குள் பின்வரும் வழக்குகள் வராது.
a)    சுங்கச்சட்டம் 1962 (custom act 1962) பிரிவு 130A இன் கீழ் விசாரணைக்குட்படும் வழக்குகள்.
b)    மத்திய மற்றும் தீர்வை மற்றும் உப்புச்சட்டம் 1944 (Central and Excise and Salt Act, 1944) பிரிவு 35  இன் கீழ் விசாரணைக்குட்படும் வழக்குகள்
c)    தங்க (கட்டுபாடு) சட்டம் 1968, பிரிவு 82C இன் கீழ் விசாரணைக்குட்படும் வழக்குகள்
d)    தனியுரிமை வர்த்தக நடைமுறைக்கட்டுப்பாடு ( M.R.T.P. Act) 1969 பிரிவு 7(2) இன் கீழ் விசாரணைக்குட்படும் வழக்குகள்.

k)    மத்திய தீர்வை மற்றும் உப்பு 1944 சட்டத்தின் பிரிவு 35 L இன் கீழ்வரும் மேல் முறையீடு.
e)    வருமான வரி சட்டம் 1961 (Income Tax Act, 1961) பிரிவு 25 J இன் கீழ் விசாரணைக்குட்படும் வழக்குகள்.
f)    அரசியலமைப்புச் சட்டம் பிரிவு 317 (1) இன் கீழ் விசாரணைக்குட்படும் வழக்குகள்.
g)    குடியரசுத்தலைவர் மற்றும் துணை குடியரசுத் தலைவர் சட்டம் 1952 பகுதி 3 இன் தேர்தல் குறித்த வழக்குகள்.
h)    பாராளுமன்ற மற்றும் மாநில சட்டமன்ற உறுப்பினர்கள் தேர்தல் குறித்த வழக்குகள்.
i)    தனியுரிமை வர்த்தக நடைமுறைக்கட்டுப்பாடு சட்டம் 1969 (M.R.T.P. Act, 1969) இன் கீழ் வரும் மேல் முறையீடு.
j)    சுங்கச் சட்டம் 1962 பிரிவு 130 E, உட்பிரிவு (b) இன் கீழ் வரும் மேல் முறையீடு.
l)    செய்திகளை மறு ஆய்வு செய்தல்

உதவிபெற அணுகும் சமயம் (When to approach for aid)

•    உச்சநீதிமன்ற நடுத்தர வருமானத்தினரின் சமுதாயம், பதிவு செய்யப்பட்ட வழக்கறிஞரையும் உறுப்பினராகக் கொண்ட வழக்கறிஞர் குழுவினை (panel of Advocates) கொண்டுள்ளது. இக்குழுவினை உருவாக்கும்போது ஒரு வழக்கறிஞரை, ஆனால் இரண்டுக்கு மேற்படாத வழக்கு நடைபெறும் நீதிமன்ற மாநிலத்தின் வட்டாரமொழி தெரிந்த வழக்கறிஞரை உறுப்பினராகக் கொள்ள வேண்டும் என்பது கவனத்தில் கொள்ளப்படுகிறது.
உச்சநீதிமன்றத்தில் ஒரு வழக்கைத் தொடுக்கவோ, எதிர்த்து வழக்காடவோ நேரிடும் சூழல்களில், மத்தியதர வருமான சமுதாயத்தை வழக்காடுபவர் அணுகலாம்; அச்சூழல்கள் பின்வருவனவற்றையும் தன்னுள் கொண்டிருக்கும்;
a)    மேல் முறையீடு/சிறப்பு விடுமுறை மனுக்கள், உரிமையியல் அல்லது குற்றவியல், உயர் நீதிமன்ற ஆணைக்கு எதிரான வழக்கு,
b)    நீதிப்பேராணை மனு (Writ Petition)/ஆட்கொணர்வு மனு (Habeas Corpus)
c)    உரிமையியல் அல்லது குற்றவியல் வழக்கு ஒரு மாநிலத்தில் தேங்கி இருக்குமானால் அதனை வேறு மாநில நீதிமன்றத்திற்கு மாற்றக்கோரும் மனு மற்றும்
d)    உச்சநீதிமன்ற சட்டச்செயல்பாடுகள் குறித்த சட்ட ஆலோசனை.

செயல்படும் முறை (How it works)
•    வழக்கறிஞர்கள் குழு, ஒரு வழக்கில் பங்குபெறும்போது இத்திட்டத்தின், சட்டங்களுக்கு உட்படுவதாக எழுத்து மூலம் உறுதியளிக்கிறது.

•    விருப்பமுள்ள வழக்குரைப்போர் உச்சநீதிமன்ற நடுத்தர வருமான குழுவினரின் சட்ட உதவி மையத்தின் செயலரை அணுகும் முன் மையத்தால் அளிக்கப்படும் ஒரு படிவத்தினை நிரப்பி அதற்குரிய ஆவணங்களோடு குழுவின் செயலரை அணுக வேண்டும். (விலாசம்:- Supreme Court Middle Income Group Legal Aid Society, 109- Lawyers Chambers, Post Office Wing, Supreme Court Compound, New Delhi-110001)
•    ஆணையத்திலுள்ள (Committee) 3 வழக்கறிஞர்கள், விருப்ப அடிப்படையில் குழுவிற்காகத் தேர்ந்தெடுக்கப்படுகிறார்கள். விண்ணப்பதாரர், வழக்குரைப்பவர் பதிவு செய்யப்பட்ட வழக்கறிஞர்கள் அல்லது வழக்காடும் ஆலோசகர் (arguing counsel) அல்லது உயர் ஆலோசகர் (Senior Counsel)  இவர்களில் யாராவது மூவரைச் சுட்டிக்காட்டலாம். விண்ணப்பதாரரின் தேர்வினை குழு மதிக்க முயலும்.
•    பதிவு செய்யப்பட்ட வழக்கறிஞர், வழக்காடும் ஆலோசகர் மற்றும் உயர் ஆலோசகர் இவர்களில் யாருக்கு வேண்டுமானாலும் வழக்கினை அளிக்க குழுவினருக்கு உரிமையுண்டு. விண்ணப்பதாரரின் மனுவினை பதிவு செய்யப்பட்ட வழக்கறிஞர், வழக்காடும் ஆலோசகர், உயர் ஆலோசகர் இவர்களின் யாருக்கு வேண்டுமானாலும் தரும் உரிமை உச்சநீதிமன்ற (நடுத்தர வருமானக்குழு) சட்ட உதவி சமுதாயத்திடம் (Supreme Court (Middle Income Group) உள்ளது.

சட்ட உதவிக்காக அணுக வேண்டிய இடம். (Where to approach for legal aid)
•    மனுதாரரின் மனுவை வாங்கியப் பின் சட்ட உதவிக்குழுவானது (legal aid society) அம்மனுவினை பதிவு செய்யப்பட்ட வழக்கறிஞரிடம் கொடுத்து, அவ்வழக்கு மேற்கொண்டு ஆவன செய்வதற்கு ஏதுவானதா என்பதை ஆய்ந்தறிந்த பின்னரே, தேவையான நடவடிக்கைகளை எடுக்கும்.

•    விண்ணப்பங்களை அச்சிடுதல் மற்றும் இதர அலுவலகச் செலவுகளை இத்திட்டத்தின் ஆரம்பத்தொகை ஏற்றுக்கொள்ளும்
•    மனுதாரர் இத்திட்டத்தின் பயன்களை அனுபவிக்கலாம் என்று கற்றறிந்த, பதிவு செய்யப்பட்ட வழக்கறிஞர் என்று கூறினால், மட்டுமே இத்திட்டத்தின் பயன்களை மனுதாரர் அனுபவிக்க முடியும். அவ்வாறு மனுதாரரின் விண்ணப்பத்தில்/ வழக்குத் தாள்களில் பதிவு செய்த வழக்கறிஞர் மேலொப்பமிட்ட பின், (endorsement) உச்சநீதிமன்ற நடுத்தர வருமான சட்ட உதவிக்குழு, (Supreme Court Middle Income Group Legal Aid Society) மனுதாரரின் மனுவினை மனுதாரரிடம் திருப்பிக் கொடுத்துவிட்டு சேவை வரியாக ரூ.350/- மட்டுமே வசூலிக்கும்.

சட்ட உதவிக்கான கட்டணம் (Fee for legal aid)
இத்திட்டத்தின்கீழ் ஒவ்வொரு வழக்கிற்கேற்ப ஏற்படுத்தப்பட்டுள்ள கட்டணத்தை செயலர் சுட்டிக்காட்ட, அத்தொகையை மனுதாரர் செலுத்த வேண்டும்.
அக்கட்டணத்தை செலுத்திய பின்னரே செயலர், வழக்கினை, நடுத்தர வருமானக்குழுவின் சட்ட உதவித்திட்டத்தின் (MIG Legal Aid Scheme) கீழ் பதிவு செய்யப்பட்ட வழக்கறிஞர் / வாதாடும் ஆலோசகர் / குழுவின் மூத்த ஆலோசகரிடம் வழக்கின் தன்மை குறித்து கேட்பார்.

•    ஏற்படக்கூடிய செலவுகளின் அடிப்படையில் செயலரால் கூறப்படும் தொகையை, விண்ணப்பதாரர் ரொக்கமாகவோ, காசோலையாகவோ செலுத்த வேண்டும்.

கேவியட் மனு தாக்கல் செய்வதில் உள்ள நடைமுறை

கேவியட் மனு தாக்கல் செய்வதில் உள்ள நடைமுறை

**************************************************************

மாவட்ட  உரிமையியல் நீதிமன்றத்தில் இருந்து உயர்நீதிமன்றம் வரையில்  (Caveat Petition) கேவியட் மனு படிவம் ஒரே மாதியானதாகவே இருக்கும்.


நபர் ஒருவருக்கு எதிராக, மற்றொரு நபர்  மாவட்ட உரிமையியல் நீதிமன்றத்திலோ

 ( District Munisif Court),  மாவட்ட உரிமையியல் நீதித்துறை நடுவர் மன்றத்திலோ

 ( District Munisif Cum Magistrate Court), சார்பு நீதிமன்றத்திலோ (Sub Court) , மாவட்ட நீதிமன்றத்திலோ(District Court), உயர்நீதிமன்றத்திலோ (High Court), தடையாணை (Stay Order) அல்லது உறுத்துக்கட்டளை(Injection Order) யை அவசரத்தன்மையுடன் (Emergent Petition) அறிவிப்புக் கொடுக்காமல் பெற்றிடுவத்ற்கு வாய்ப்புண்டு என்று கருதிடும் சூழ்நிலையில் நபர் ஒருவர் கேவியட் மனுவை தாக்கல் செய்யலாம்.

கேவியட் மனுவை சாதாரணமாக தாக்கல் செய்தால், அடுத்தடுத்த நாட்களில்தான் எண் கொடுப்பார்கள்.

கேவியட் மனுசாதாரணமாக தாக்கல் செய்யப்பட்டிருக்கும்போது, அந்த மனுவில் எண் கொடுப்பதற்கு முன்னர், நபர்கள் எவரும் தமது வழக்கை அவசரத்தன்மையுடன் தாக்கல் செய்து தடையாணை அல்லது உறுத்துக் கட்டளையைப் பெற்றிட முடியும்.


கேவியட் மனுவை நீதிமன்றத்தில் தாக்கல் செய்வதற்கு முன்னர், அசல் மனுவில் மனுதாரரிடம் கையொப்பத்தைப் பெறுதல் வேண்டும். நகலின் மனுதாரரின் மையொப்பத்தைப் பெறுதல் கூடாது. நகலில் உண்மை நகல் அல்லது T.C (True Copy) என்று குறிப்பிட்டு மனுதாரரின் வழக்கறிஞர் மட்டும் கையொப்பம் இட்டால் போதுமானதாகும். ஆனல், அசல் கேவியட் மனுவில் மனுதாரரும், வழக்கறிஞரும் கையொப்பம் இடுதல் வேண்டும். கேவியட் மனுவில் ரூ.10/-க்கான நீதிமன்ற கட்டண முத்திரை வில்லை ஒட்டப்படுதல் வேண்டும்

கேவியட் மனுவின் நகல் ஒன்றை எதிர் மனுதாரருக்கு மனுதாரரின் வழக்கறிஞர் பதிவு அஞ்சலில் ஒப்புகை அட்டை இணைப்புடன் அனுப்பி வைத்தல் வேண்டும். பதிவு அஞ்சல் உறை மற்றும் ஒப்புகை அட்டையின் பெறுநர் முகவரியில் எதிர்மனுதாரரின் முகவரியையும், அனுப்புனர் முகவரியில் மனுதாரரின் வழக்கறிஞரின் முகவரியையும் குறிப்பிடுதல் வேண்டும்.


கேவியட் மனுவின் நகலை எதிர்மனுதாரருக்கு அனுப்பி வைத்த பின்பே கேவியட் அசல் மனுவை நீதிமன்றத்தில் தக்கல் செய்ய வேண்டும்.

 கேவியட் மனு, அவசரத்தன்மையுடன் தாக்கல் செய்யப்படும்போது,  அதில்

1.  கேவியட் அசல் மனு (Caveat Original Petition)

2. எதிர்மனுதாரருக்குப் பதிவுத்தபாலில் கேவியட் மனுவின் நகலை அனுப்பியதற்குச் 

     சான்றாதாரமாக உள்ள அஞ்சல் பற்றுச் சீட்டு (Postal Receipt)

3. வழக்குரைக்கும் அதிகார ஆவணம் (Vakalat)

4. அவசரத்தன்மை மனு (Emergent Petition) 

5. அபிடவிட் (Affidavit)

ஆகியவற்றைத் திறந்த நீதிமன்றத்தில் (Open Court) நீதிபதியிடம் கொடுத்தல் வேண்டும்.

கேவியட் மனுவை சாதாரண முறையில் தாக்கல் செய்திடும்போது,  அதில்

1. கேவியட் அசல் மனு  (Caveat Original Petition)

2.வழக்குரைக்கும் அதிகார ஆவணம் (Vakalat)

3. எதிர் மனுதாரருக்கு கேவியட் மனுவின் நகலை அனுப்பியதற்குச்  சான்றாதாரமாக உள்ள அஞ்சல் பற்றுச் சீட்டு  (Postal Receipt)

ஆகியவற்றை தலைமை எழுத்தர் (Head Clerk) அல்லது செரஸ்தாரிடம் (Sheristadar ) கொடுத்தால் போதுமானதாகும்.


மனுக்கள், அபிடவிட், வழக்குரைக்கும் ஆவணம் ஆகியவற்றின் மேலுரையில் வழக்கறிஞர் பெயர், ஊர், நீதிமன்றம், மனு விபரம் ஆகியவற்றைக் குறிப்பிடுதல் வேண்டும்.


அஞ்சல் பற்றுச் சீட்டை தனியே ஒரு வெள்ளைத்தாளில் இணைத்து, அந்த வெள்ளைத்தாளில் மேல்குறிப்பை (Docket) எழுதுதல் வேண்டும்.


கேவியட் அசல் மனுவில் ரூ.10/-க்கும், வழக்குரைக்கும் அதிகார ஆவணத்தில் வழக்கறிஞர் நல நிதி முத்திரை வில்லையுடன் ரூ.5க்கும், அவசரத்தன்மை மனுவில் ரூ.2/-க்கும் நீதிமன்றக் கட்டண முத்திரை வில்லையை ஒட்டுதல் வேண்டும். அபிடவிட்டில்  நீதிமன்றக் கட்டண முத்திரை வில்லையை  ஒட்ட வேண்டிய அவசியமில்லை. 

கேவியட் மனுவில் வாத-பிரதிவாதங்கள் கேட்கப்பட மாட்டாது. அதனால், அதில் எதிர்மனுதாரர் கட்சியாடுகின்ற வகையில் எதிர்வுரையோ, பதிலறிவிப்போ செய்ய வேண்டியதில்லை.


ஒருமுறை தாக்கல் செய்யப்படுகின்ற கேவியட் மனு மூன்று மாதங்கள் வரையில் மட்டுமே செல்லுபடியாகும். அதன்பிறகு புதிதாகத்தால் கேவியட் மனு தாக்கல் செய்ய வேண்டும்.


கேவியட் மனு இரண்டாவது முறையாக அல்லது அடுத்தடுத்து எத்தனை முறை தாக்கல் செய்யப்பட்டாலும், ஒவ்வொரு முறையும் பின்பற்றப்படும் அதே நடைமுறையையே பின்பற்றுதல் வேண்டும்.

மேல்முறையீட்டுக் காலங்களிலும்  கேவியட் மனுவை தாக்கல் செய்யலாம். அதற்கான படிவமும் இதே மாதிரியானதாகும்.


கேவியட் மனுவை அவசரத்தன்மையுடனோ அல்லது சாதாரண நிலையிலோ தாக்கல் செய்யலாம். 


அவசரத்தன்மையுடன் தாக்கல் செய்யப்படும் கேவியட் மனுவை, அவசரத்தன்மை மனு மற்றும் அபிடவிட்டுடன் இணைத்துத் தாக்கல் செய்ய வேண்டும். சாதாரணமாக தாக்கல் செய்யப்படும் கேவியட் மனுவுக்கு அவசரத்தன்மை மனு மற்றும் அபிடவிட்டை இணைத்துத் தாக்கல் செய்ய வேண்டியதில்லை.


கேவியட் மனுவை அவசரத்தன்மை மனுவுடன் கொடுத்தால் மனு சரியாக இருக்கும் பட்சத்தில் நீதிமன்றத்தில் அன்றைய தினமே எண் கொடுத்து விடுவார்கள்

பிறப்பு மற்றும் இறப்பு சான்றிதழ் பெறுவதற்கான கட்டணத்தை உயர்த்தி அரசு ஆணை வெளியிட்டு உள்ளது

பிறப்பு மற்றும் இறப்பு சான்றிதழ் பெறுவதற்கான கட்டணத்தை  உயர்த்தி அரசு ஆணை வெளியிட்டு உள்ளது (G.O Ms.No 360, Health and Family Welfare Department,  Dt: 12.10.2017). 

பிறப்பு அல்லது இறப்பு நடந்த 21 நாட்களுக்குள் இலவசமாக பதிவு செய்ய வேண்டும். 

1, பிறப்பு அல்லது இறப்பு நடந்த 21 நாட்களுக்கு மேல் 30 நாட்களுக்குள் பதிவு செய்தால் ரூ.2 தாமதக்கட்டணமாக வசூலிக்கப்பட்டு வந்தது. தற்போது இந்தக் கட்டணம் ரூ.100 ஆக  மாற்றி அமைக்கப்பட்டுள்ளது. 

2, அதேபோல 30 நாட்களுக்கு மேல் ஓராண்டுக்குள் பதிவு செய்ய வசூலிக்கப்பட்டு வந்த தாமதக்கட்டணம் ரூ.5,  தற்போது ரூ.200 ஆக மாற்றி அமைக்கப்பட்டுள்ளது.  

3, ஓராண்டுக்கு மேல் ஆகும் தாமத பதிவுகளுக்கு  ரூ.10 வசூலிக்கப்பட்டது. அந்தக் கட்டணம் ரூ.500 ஆக மாற்றி அமைக்கப்பட்டுள்ளது.

4, பிறப்பு சான்றிதழில் குழந்தையின் பெயர் சேர்க்க ஓராண்டுக்கு மேல் விண்ணப்பித்தால் ரூ.5 கட்டணமாக வசூலிக்கப்பட்டது. அந்தக் கட்டணம் தற்போது ரூ.200 ஆக மாற்றி அமைக்கப்பட்டுள்ளது.

5, பிறப்பு மற்றும் இறப்பு சான்றிதழின் நகல் கேட்டு விண்ணப்பித்தால்,  ஒவ்வொரு நகலுக்கும் தேடுதல் கட்டணமாக முதல் ஆண்டுக்கு ரூ.2 வசூலிக்கப்பட்டது. அது தற்போது ரூ.100 ஆக மாற்றி அமைக்கப்பட்டுள்ளது.

6, ஒவ்வொரு கூடுதல் ஆண்டுக்கும் இதுவரை வசூலிக்கப்பட்டு வந்த ரூ.2 என்பது ரூ.100 ஆக மாற்றி அமைக்கப்பட்டுள்ளது. 

7, பிறப்பு மற்றும் இறப்பு சான்றிதழ்  வழங்க, கட்டணம் ரூ.5 என்பது ரூ.200 ஆக மாற்றி அமைக்கப்பட்டுள்ளது. 

8, பிறப்பு மற்றும் இறப்பு சான்றிதழ்களின் கூடுதல் நகல் பெற  கட்டணம் ரூ.200 ஆக மாற்றி அமைக்கப்பட்டுள்ளது. 

9, பிறப்பு மற்றும் இறப்பு பதியப்படவில்லை (Form 10 - NAC) என்ற சான்றிதழ் பெற இதுவரை ரூ.2 வசூலிக்கப்பட்டு வந்தது. அந்தக் கட்டணம் ரூ.100 ஆக மாற்றி அமைக்கப்பட்டுள்ளது.

தகவல் அறியும் உரிமைச் சட்டம் மேல்முறையீடுகள்


தகவல் அறியும் உரிமைச் சட்டம்
மேல்முறையீடுகள்

இணைய தளங்களைப் பயன்படுத்துவோரின் வசதியைக் கருத்தில் கொண்டு, பிரதமர் அலுவலகம் தகவல் அறியும் உரிமைச் சட்டத்தின் கீழான மேல்முறையீடுகளுக்கென RTI.அப்பீல்(அட்)கவ்(டாட்)இன் (rti.appeal(at)gov(dot)in) எனும் தனிப்பட்ட மின்னஞ்சல் முகவரி ஒன்றை ஒதுக்கியுள்ளது. தகவல் அறியும் உரிமைச் சட்டத்தின் கீழான உங்கள் மேல்முறையீடுகளை இந்த மின்னஞ்சல் முகவரிக்கே அனுப்பி வைக்குமாறு கேட்டுக் கொள்கிறோம்.
தாமதத்தைத் தவிர்க்க
பல்வேறு விஷயங்கள் தொடர்பான தகவல்களைக் கோரி பிரதமர் அலுவலகத்திற்கு மனுக்கள் வருகின்றன. இவற்றில் பெரும்பாலானவை அமைச்சகங்கள், துறைகள் ஆகியவற்றினால் கவனிக்கப்படுபவை என்ற நிலையில், இத்தகைய மனுக்கள் சம்பந்தப்பட்ட விஷயத்திற்குப் பொறுப்பான அலுவலருக்கு அனுப்பப்பட்டு வருகின்றன.

எனவே, குறிப்பிட்ட அமைச்சகம் அல்லது துறைகள் தொடர்பான குறிப்பிட்ட விஷயங்கள் பற்றிய தகவல்களைக் கோரி அனுப்பப்படும் மனுக்களை நேரடியாக சம்பந்தப்பட்ட பொதுத் தகவல் அலுவருக்கு அனுப்பி வைத்தால் அவர்களது கோரிக்கைகள் உரிய நேரத்தில் கவனிக்க வழியேற்படும்.
எந்தவொரு நபரும் கோரும் தகவலானது அடிப்படையில் மற்றொரு பொது அலுவரின் செயல்பாட்டிற்குள் வரக்கூடியது எனில், அத்தகைய மனுக்கள் சம்பந்தப்பட்ட பொது அலுவலருக்கு அனுப்புவதற்கான ஏற்பாட்டை 2005ஆம் ஆண்டின் தகவல் அறியும் சட்டம் அறிவுறுத்தியுள்ளது.
கட்டணம்
தகவல் அறியும் சட்டம் 2005இன் கீழ் தகவல் கோரி அனுப்பப்படும் மனுக்களுடன் அதற்கான கட்டணமான ரூ. 10/-ஐ (ரூபாய் பத்து மட்டும்)  கீழ்கண்ட ஏதாவதொரு வகையில் அனுப்பி வைக்க வேண்டும்.:-
பணமாகச் செலுத்துவதெனில் பிரதமர் அலுவலகத்தில் உள்ள காசாளரிடம் நேரடியாகச் செலுத்த வேண்டும்.

மனுச் செய்பவர் வறுமைக் கோட்டிற்குக் கீழேயுள்ள பிரிவைச் சேர்ந்தவர் எனில், இதற்கான கட்டணம் செலுத்துவதிலிருந்து விலக்கு அளிக்கப்பட்டவர் என்ற வகையில், அதற்குரிய செல்லத்தக்க சான்றாதாரத்தை மனுதாரர் தனது மனுவுடன் அனுப்பி வைக்க வேண்டும்.
வரைவோலை / வங்கிக் காசோலையாக ரூ. 10/- மதிப்பிற்கு(மனுவிற்கான கட்டணமாக). இந்த வரைவோலை புதுதில்லியில் மாற்றத்தக்க வகையில் “பிரிவு அலுவலர், பிரதமர் அலுவலகம்” என்ற பெயரில் எடுக்கப்பட வேண்டும்.
போஸ்டல் ஆர்டராக இருப்பின் “பிரிவு அலுவலர், பிரதமர் அலுவலகம்” என்ற பெயரில் எடுக்கப்பட வேண்டும்.

அல்லது

டெபாசிட் காப்பீட்டு சட்ட மசோதா


டெபாசிட் காப்பீட்டு சட்ட மசோதா

(எச்சரிக்கை - கட்டுரை நீளமானது. வங்கியில் டெபாசிட் செய்வது குறித்து ஆர்வம் உள்ளவர்கள் மட்டும் வாசிக்கவும்)


வங்கியில் டெபாசிட் இன்ஷ்யூரன்ஸ் சட்டம் என்று ஏதோ வருகிறதாமே... வங்கி திவால் ஆனால் நாம் டெபாசிட் செய்த பணம் அம்போ ஆகி விடுமாமே... இது நிஜமா... இதைப்பற்றி நீங்கள் எழுதுங்கள் என்று இன்பாக்சில் பலர் கேட்டார்கள். 


வங்கி, நிதித்துறை, சட்டம் ஆகியவை தொடர்பான விஷயங்கள் மிகவும் சிக்கலானவை. அதிலும் நமது சட்டங்கள் இருக்கின்றனவே, அவற்றை இயற்றியவர்களே உண்மையில் புரிந்து கொண்டுதான் இயற்றினார்களா என்று சந்தேகப்படும் அளவுக்குக் குழப்பக்கூடியவை. Subject to, Notwithstanding, Read with என்று வேறு சட்டவிதிகளுடன் இணைத்து எழுதப்பட்டிருக்கும். ஒரு சட்டத்தைப் படிக்கும்போது அது வேறெங்கோ இழுத்துக்கொண்டுபோகும். எனக்கும் அந்த அளவுக்கு துறைசார் ஞானம் கிடையாது. எனவே, நான் படித்தவற்றில் புரிந்துகொண்ட அளவில் விளக்குகிறேன். அதற்கு முன்னுரையாக மூன்று கதைகள் கீழே தந்திருக்கிறேன்.


கதை-1 : ஓர் ஆலை இருக்கிறது. அதில் 5 பேர் முதலீடு செய்திருக்கிறார்கள். 1 வங்கி கடன் குடுத்திருக்கிறது. 100 தொழிலாளர்கள் வேலை செய்கிறார்கள். அந்த ஆலை நிதிச் சிக்கலுக்கு ஆளாகி நான்கு மாத சம்பளம் கொடுக்காமல் திடீர் என்று மூடப்பட்டது என்று வைத்துக்கொள்வோம். கடன்கொடுத்த வங்கி அதை சீல் வைக்கிறது. பிறகு ஏலத்துக்கு வருகிறது. அதை யாராவது ஏலத்தில் வாங்குகிறார்கள் என்று வைத்துக்கொள்வோம். ஏலத்தின் மூலம் கிடைத்த தொகையில் யாருக்கு முதல் உரிமை, யாருக்கு இரண்டாவது உரிமை என்று சில விதிகள் உண்டு. அதன்படி, தொழிலாளர்களுக்குத் தர வேண்டிய சம்பள பாக்கியைத்தான் முதலில் தீர்க்க வேண்டும். அதற்குக் கொடுத்த தொகை போக மீதியிருந்தால் கடன் கொடுத்த வங்கி எடுத்துக்கொள்ளும். அதற்கும் மேலே மீதமிருக்கும் தொகைதான் முதல் போட்ட ஐந்து பேருக்கும் உரிய விகிதத்தில் கிடைக்கும். ஒருவேளை முதல் போட்டவர்களுக்குக் கிடைக்கலாம் கிடைக்காமலும் போகலாம். பிரச்சினையை எளிமையாக விளக்கவே இந்தக் கதையை உதாரணமாக சொல்லியிருக்கிறேன். 

கதை-2: அந்த ஆலையைத் தூக்கி நிறுத்த அரசு கடனுதவிக்கு வழி செய்கிறது என்று வைத்துக் கொள்வோம். அதற்குப் பெயர் பெயில்-அவுட். அதே போல, ஒரு வங்கி நிதிச் சிக்கலுக்கு ஆளாகிறது என்று வைத்துக் கொள்வோம். பொதுவாக, அரசு உதவிக் கரம் நீட்டுகிறது, அல்லது ஏதாவதொரு அமைப்பின் மூலமாக நிதியுதவிக்கு ஏற்பாடு செய்கிறது என்றால், அதற்குப் பெயர் பெயில்-அவுட். உதாரணமாக, சில ஆண்டுகளுக்கு முன்னால் ஒரு விமான கம்பெனி சிக்கலுக்கு ஆளான போது, ஊழியர்கள் சம்பளத்துக்காக, பெட்ரோலுக்காக இன்னும் கொஞ்சம் வங்கிக் கடன் குடுத்து அரசாங்கம் பெயில்-அவுட் முயற்சி செய்தது உங்களுக்கு நினைவிருக்கும். ஆக, நிதிச் சிக்கலுக்கு உள்ளான நிறுவனத்துக்கு வெளியிலிருந்து நிதியுதவி செய்து அதன் சிக்கலைத் தீர்க்க முயற்சி செய்வதற்குப் பெயர் பெயில்-அவுட். 


நாம் சிறுகச் சிறுகச் சேர்த்த பணத்தை, அல்லது காலமெல்லாம் வேலை செய்து ஓய்வு பெறும்போது கிடைத்த பணத்தை எதிர்காலத் தேவைகளுக்காக முதலீடு செய்கிறோம். பிள்ளைகளின் படிப்புக்காக, கல்யாணத்துக்காக, வயதான காலத்தில் சோற்றுக்கு வழி செய்து கொள்ள இப்படி எத்தனையோ காரணங்கள் இருக்கலாம். முதலீடு செய்ய பல வழிகள் உண்டு. பேராசை பிடித்துப்போய் சதுரங்க வேட்டை திரைப்படத்தில் வந்தது போன்ற போலி கம்பெனிகளில் முதலீடு செய்வார்கள் சிலர். மியூச்சுவல் பண்ட்களில் முதலீடு செய்வார்கள் சிலர். பங்குச் சந்தையில் முதலீடு செய்வார்கள் சிலர். ஆனால், பங்குச்சந்தை, மியூச்சுவல் ஃபண்ட் போன்றவற்றில் முதலீடு செய்வதில் ஆபத்துகள் உண்டு. உள்ளூர் அரசியல்/பொருளாதார நிலை மட்டுமல்ல, உலகளாவிய சந்தை நிலவரத்துக்கு ஏற்ப இவை உயரவோ வீழவோ கூடும். போட்ட பணம் பலமடங்காகத் திரும்பி வரலாம், மொத்தமும் மூழ்கிப் போகலாம்.
கதை-3: வெளியிலிருந்து நிதியுதவி செய்து மீட்பதற்குப் பதிலாக, அந்தக் கம்பெனியிடம் இருக்கும் சொத்துகளை வைத்தே அதை மீட்பதற்கு உதவி செய்வதும் உண்டு. இப்படி, ஒரு நிறுவனத்தின் உள்ளிருந்தே, அதனிடம் இருக்கின்ற நிதியையும் சொத்துகளையும் வைத்தே சிக்கலைத் தீர்க்க முயற்சி செய்தால் அதற்குப் பெயர் பெயில்-இன். 

புதிதாக வர இருக்கிற சட்டத்தில் சர்ச்சைக்குரிய விஷயமாகப் பேசப்படுவது பெயில்-இன். 



ஒரு வங்கி திடீரென நிதிச் சிக்கலுக்கு ஆளாகி, அதில் டெபாசிட் செய்தவர்களுக்கு பணம் திருப்பித்தர முடியாமல் போனால் என்ன செய்வது என்று யோசித்தது அரசு. இன்று அல்ல, அறுபது ஆண்டுகளுக்கு முன்பே யோசித்தது. 1961இல் Deposit Insurance and Credit Guarantee Corporation Act என்ற சட்டத்தை இயற்றியது. இதன்படி, 1 லட்சம் ரூபாய் வரையான டெபாசிட்டை வட்டியுடன் சேர்த்துத் திருப்பித் தருவதற்கான காப்பீடு வங்கிக்குக் கிடைத்தது. வங்கி மூழ்கிப் போனாலும் டெபாசிட் செய்தவருக்கு ஒரு லட்சம் ரூபாய் நிச்சயமாகக் கிடைக்கும். ஆனால், 1 லட்சத்துக்கும் அதிகமாக டெபாசிட் செய்திருந்தால், ஒரு லட்சத்துக்கும் மேற்பட்ட தொகைக்கு இந்த உத்தரவாதம் கிடையாது. எனவே வங்கி மூழ்குமானால் அதனுடன் சேர்ந்து டெபாசிட் பணமும் மூழ்கும். 
எனவே, பணம் பத்திரமாக இருக்க வேண்டும் என்று விரும்புகிற, சிக்கலுக்கு ஆளாக விரும்பாத பெரும்பாலான மக்கள் தமது பணத்தை டெபாசிட் செய்வது வங்கிகளில்தான். ஏனென்றால், பெரும்பாலான வங்கிகள் பொதுத்துறை வங்கிகள்தான். தனியார் வங்கிகள் பெரும்பாலும் நகரப் பகுதிகளில் மட்டுமே இயங்குகின்றன. இந்திய வங்கிப் பரிவரத்தனையில் 82 விழுக்காடு பொதுத்துறை வங்கிகளில்தான நிகழ்கிறது. எனவே, வங்கிக்கு ஏதும் சிக்கல் வந்தாலும் அரசு கை கொடுக்கும் என்று நம்புகிறார்கள். காரணம், இந்த வங்கிகள் எல்லாம் தேசியமயமாக்கப்பட்டவை, ரிசர்வ் வங்கியின் கீழ் இயங்குகின்றன. அண்மையில் ஸ்டேட் பேங்க் ஆப் பாடியாலா, ஸ்டேட் பாங்க் ஆப் பிகானிர் போன்ற பல்வேறு வங்கிகளை ஸ்டேட் பேங்க் ஆப் இந்தியாவுடன் இணைத்தது இப்படிப்பட்ட ஒரு நடவடிக்கைதான்.  


மேலே குறிப்பிட்ட டெபாசிட் காப்பீட்டுக்காக, ரிசர்வ் வங்கியின் கீழ் Deposit Insurance and Credit Guarantee Corporation என்ற நிறுவனத்துக்கு இந்திய பொதுத்துறை வங்கிகள் பிரிமியம் தொகையாக 3000 கோடி ரூபாய் செலுத்தி வருகின்றன. ஆனாலும், இந்தச் சட்டம் நிறைவேற்றப்பட்ட பிறகு 67 ஆண்டுகளில் வங்கி மூழ்கும் சம்பவம் ஏதும் நிகழவில்லை என்பதையும் கவனத்தில் கொள்ள வேண்டும்.


மத்திய அரசு, புதிதாக ஒரு சட்டத்தை இயற்றுவதற்கான மசோதா தயார் செய்திருக்கிறது. அதன் பெயர் Financial Resolution and Deposit Insurance Bill, 2017. அதாவது, நிதிச்சிக்கல் தீர்வு மற்றும் டெபாசிட் காப்பீட்டு மசோதா 2017. இந்த மசோதாவின் வரைவு மக்களின் கருத்துக்காக 2016 செப்டம்பரில் வெளியிடப்பட்டது. ஆனால், மக்கள் கருத்துக்காக இருபது நாட்கள் அவகாசம் மட்டுமே தரப்பட்டது. 2016 அக்டோபர் 14ஆம் தேதியுடன் வரைவு மசோதாவின் மீது கருத்துக்கேட்பது நிறுத்தப்பட்டது. 2017 ஜூன் மாதம் மைய அமைச்சரவை இந்த மசோதாவுக்கு ஒப்புதல் அளித்த்து. நாடாளுமன்றத்தின் மழைக்காலக் கூட்டத்தொடர் அமர்வு முடிவடைவதற்கு முதல் நாள் நாடாளுமன்றத்தின்முன் வைக்கப்பட்டது. மசோதாவைப் பரிசீலிக்க புதிதாக கூட்டுக்குழு ஒன்றை நியமிக்கவும் அரசு முடிவு செய்தது. நிதித்துறை விவகாரங்களைப் பரிசீலிப்பதற்காக ஏற்கெனவே நிதித்துறை நிலைக்குழு (committee for finance) இருக்கும்போது, தனியாக ஒரு குழு எதற்கு என்று காங்கிரசும் திரிணமுல் காங்கிரசும் எதிர்ப்புத் தெரிவித்தன. அத்துடன் நாடாளுமன்றத் தொடர் முடிந்து விட்டது. 
ஆக, நீங்கள் ஒரு வங்கியில் எத்தனை லட்சம் ரூபாய் டெபாசிட் செய்திருந்தாலும், அந்த வங்கி மூழ்குமானால், உங்களுக்கு ஒரு லட்சம் மட்டுமே கிடைக்கும் என்ற விதி இன்று புதிதாக வந்ததல்ல, 1961 முதலாகவே இருக்கிறது. அப்படியானால், இப்போது புதிதாக என்ன சர்ச்சை ?


இந்தப் புதிய மசோதாவில் உள்ள சிக்கல் என்னவென்றால், ஏற்கெனவே இருந்து வருகிற – 1961 முதல் ரிசர்வ் வங்கிக்குக் கீழ் இயங்குகிற Deposit Insurance and Credit Guarantee Corporation என்ற அமைப்புக்குப் பதிலாக புதிதாக வேறொரு அமைப்பை இந்தச் சட்டம் உருவாக்குகிறது. அதன் பெயர் Resolution Corporation – தீர்வு வாரியம். வங்கிகள் மட்டுமல்ல, காப்பீட்டு நிறுவனங்கள், பங்குச் சந்தைகள் ஆகியவற்றையும் இது உள்ளடக்கும். நிதி நிறுவன முறைப்படுத்து ஆணையங்கள், நிதியமைச்சகம், ஆகியவற்றைச் சேர்ந்த பிரதிநிதிகள் இதில் இருப்பார்கள். 

அப்படியானால், சிக்கலுக்கு உள்ளாகும் ஒரு வங்கி, ரிசர்வ் வங்கியின் கீழ் வராதா? சிக்கலுக்கு உள்ளாகும் காப்பீட்டு நிறுவனம் Insurance Regulatory and Development Authority (IRDA)-வின் கீழ் வராதா? நிதிச் சிக்கலுக்கு ஆளான பங்குச் சந்தை Securities and Exchange Board of India (SEBI)  செபியின் கீழ் வராதா? வரும், ஆனா வராது. 


மேம்போக்காகப் பார்த்தால், இதில் என்ன தவறு, ஒன்றுக்கு இரண்டாக கண்காணிப்பு அமைப்பு இருந்தால் நல்லதுதானே என்று தோன்றும். இங்கே கவனிக்க வேண்டியது என்னவென்றால், வங்கிகளுக்கு ரிசர்வ் வங்கி, காப்பீட்டு நிறுவனங்களுக்கு ஐஆர்டிஏ, பங்குச் சந்தைக்கு செபி ஆகிய மூன்று நிறுவனங்கள் ஏற்கெனவே கண்காணிப்பு அமைப்புகளாக இயங்கிக் கொண்டிருக்கின்றன. அரசியல் தலையீடுகளுக்கு அப்பால் ஓரளவுக்கு சுயேச்சையாகவே செயல்பட்டும் வருகின்றன. இந்த மூன்றும் செய்து வந்த ஒரு பணியை இன்னொரு அமைப்பும் செய்ய வேண்டும் என்றால், இந்த மூன்று அமைப்புகளும் சரியாகச் செயல்படவில்லை என்றுதானே பொருள் கொள்ள வேண்டும்? இதுவரை அப்படி ஏதும் சொல்லப்படவே இல்லையே? பின்னே ஏன் எதற்காக இந்த தீர்வு வாரியம்?
ஆமாம். தீர்வு வாரியம் அல்லது நெறிப்படுத்து நிறுவனங்கள் (வங்கிகளுக்கு ரிசர்வ் வங்கி, காப்பீட்டு நிறுவனங்களுக்கு ஐஆர்டிஏ, பங்குச் சந்தைகளுக்கு செபி), சிக்கலுக்கு உள்ளாகும் நிதி நிறுவனங்களை அவற்றின் சிக்கலைப் பொறுத்து தரப்படுத்தும் – நிறுவனத்தின் முதலீடு, சொத்துகள் மற்றும் பொறுப்புக்கடன்கள், நிர்வாகத் திறன் உள்ளிட்டவற்றின் அடிப்படையில் தரப்படுத்தும். நெறிப்படுத்து நிறுவனங்கள், தீர்வு வாரியம் ஆகிய இரண்டுக்குமே நிதி நிறுவனங்களை கண்காணித்து தரப்படுத்தும் அதிகாரம் இருக்கும். ஒரே ஆணியைப் பிடுங்க 2 பேர் எதற்கு?

நிறுவனத்தின் நிதிநிலைச் சிக்கலைப் பொறுத்து, குறைந்த ஆபத்து அல்லது மிதமான ஆபத்து என்று தரப்படுத்தப்பட்ட நிறுவனங்கள், ஏற்கத்தக்க ஆபத்து நிலைமைக்குள் இருப்பதாகக் கருதப்படும். நெறிப்படுத்து நிறுவனங்களால் கண்காணிக்கப்படும். அதிக ஆபத்து, தீவிர ஆபத்து நிலையில் இருக்கும் நிறுவனங்கள் என்றால், நெறிப்படுத்து நிறுவனங்கள் / தீர்வு வாரியம் அதனை சரி செய்யும் நடவடிக்கைகளை மேற்கொள்ளும். சரி செய்யும் நடவடிக்கை என்பதில், அந்த நிறுவனம் முதலீடு திரட்டக்கூடாது, டெபாசிட் வாங்கக்கூடாது, வர்த்தகத்தை விரிவுபடுத்தக்கூடாது போன்றவையும் அடங்கலாம். நிறுவனத்தைத் தூக்கி நிறுத்த முயற்சி செய்யலாம்; குறித்த காலத்துக்குள் முயற்சி நிறைவேறாவிட்டால் மூட வைக்கலாம். 


எதற்காக இதை முன்வைக்கிறார்கள் என்று பார்த்தால், ஜி-20 கூட்டமைப்பு இப்படியொரு தீர்வு வாரியம் அமைக்குமாறு சொன்னதாம். இந்தியாவும் ஜி-20இல் உறுப்பினராக இருப்பதால் இதை உருவாக்குகிறதாம். ஜெர்மனியும் இங்கிலாந்தும் இதேபோன்ற சட்டங்களை உருவாக்கியுள்ளதாம். ஆனால் இதுவரை பயன்படுத்தவில்லையாம். 2013இல் சைப்ரசில் ஒரே ஒரு வங்கிக்காக பெயில் இன் பயன்படுத்தப்பட்டதாம். 


இந்த ஒன்று / இரண்டு ஆண்டு காலத்தில், தீர்வு வாரியத்தின் நடவடிக்கைகள் குறித்து எந்த நீதிமன்றத்திலும் யாரும் கேள்வி கேட்க முடியாது! ஒருவேளை இந்த இரண்டு ஆண்டுகளுக்குள் தீர்வு வாரியம் சிக்கலைத் தீர்க்க முடியவில்லை என்றால், அந்த நிறுவனம் தானாகவே திவால் நிலைமைக்குப் போய்விடும்! இரண்டு ஆண்டுகளுக்குள் சரிசெய்ய முடியாத தீர்வு வாரியத்தின்மீது எந்த நடவடிக்கையும் கிடையாது. அது மட்டுமல்ல. தீர்வு வாரியத்தின் செயல்பாடுகளுக்காக ஒரு கட்டணத்தையும் அந்த நிறுவனத்திடமிருந்தே எடுக்கும்! கட்டணம் எவ்வளவாக இருக்கும் என்பதும் தெரியாது.
இந்தச் சட்டத்தில் மற்றொரு முக்கியப் பிரச்சினை உண்டு. ஒரு நிறுவனத்தை தரப்படுத்தும் முடிவை எதிர்த்து அந்த நிறுவனம் மேல்முறையீடு செய்ய எந்த வழியும் இல்லை. தீர்வு வாரியம் நினைத்தால் எந்தவொரு நிறுவனத்தையும் நிதிச்சிக்கலுக்கு உள்ளானதாக தரப்படுத்த முடியும். அப்படிச் செய்யப்பட்ட தகவல் வெளியே தெரிந்தால், அந்த நிறுவனத்தில் டெபாசிட் செய்தவர்கள் பதறிப்போய் உடனே தமது டெபாசிட்டுகளை திரும்பப்பெறவே விரும்புவார்கள். திடீரென நிறுவனத்தின்மீது படையெடுப்பார்கள். இது படிநிலைச் சரிவு (கேஸ்கேடிங் எஃபக்ட்) விளைவை ஏற்படுத்தி, சிறிதளவே சிக்கலுக்கு உள்ளாகியிருந்தாலும் அந்த நிறுவனத்தை மேலும் சிக்கலுக்கு உள்ளாக்கி விடும். ஆனால் அந்த நிறுவனம் மேல்முறையீடு செய்ய வழிகிடையாது! 

ஒரு நிறுவனம் தீவிர ஆபத்தில் இருப்பதாகத் தரப்படுத்தப்பட்ட தேதியிலிருந்து அதன் நிர்வாகத்தை தீர்வு வாரியம் தன் கையில் எடுத்துக்கொள்ளும். அதன்பிறகு, மேலே சொன்ன வழிமுறைகளில் எதையும் பயன்படுத்தி, சிக்கலைத் தீர்க்க முயற்சி செய்யும். அந்த நிறுவனத்தின் சொத்துகள் / பொறுப்புக்கடன்களை வேறொரு நிறுவனத்துக்கு மாற்றலாம்; வேறொரு நிறுவனத்துடன் இணைக்கலாம்; இந்த நிறுவனத்தை நிர்வகிக்க புதிதாக ஒரு நிறுவனத்தை உருவாக்கலாம்; பெயில்-இன் செய்யலாம். நிறுவனத்துக்குப் பணம் கொடுத்தவர்களுக்கு திருப்பித்தர நிறுவனத்தையே கலைக்கலாம். தீர்வு வாரியத்துக்கு ஓராண்டு கால அவகாசம் உண்டு.  தேவைப்பட்டால், மேலும் ஓராண்டு நீட்டிப்பும் கிடைக்கும். 


நிறுவனத்தை கலைப்பது என முடிவானால், பணத்தைத் திருப்பித் தருவதில் அந்த நிறுவனத்துடன் தொடர்புடைய யாருக்கு முன்னுரிமை தர வேண்டும் என்பது குறித்தும் ஒரு பட்டியல் அதில் உண்டு. (கட்டுரையின் துவக்கத்தில் கதை-1இல் நான் குறிப்பிட்ட உதாரணம் பார்க்கவும்.) இந்தப் பட்டியலின்படி, நிறுவனத்துக்குக் கடன் கொடுத்த மற்றவர்களைவிட டெபாசிட் செய்தவர்களுக்கே முன்னுரிமை தரப்படும். அதற்காகவே டெபாசிட் இன்ஷ்யூரன்ஸ் உண்டு. முன்னுரிமைப் பட்டியல் :
1. டெபாசிட் இன்ஷ்யூரன்ஸ்
2. தீர்வு வாரியத்துக்கான கட்டணம்
3. ஊழியர்களுக்கான 24 மாத நிலுவை சம்பளம், உத்தரவாதம் தரப்பட்ட கடன் தொகைகள்
4. ஊழியர்களுக்கு 12 மாத சம்பளம்
5. இன்ஷ்யூர் செய்யப்படாத டெபாசிட்டுகள்
6. உத்தரவாதம் தரப்படாத கடன் தொகைகள்
7. அரசுக்குத் தர வேண்டியவை, 
8. கடன்கள், நிலுவைகள்
9. பங்குதாரர்கள் (ஷேர் ஹோல்டர்கள்)


முன்னர் இருந்த சட்டத்தைவிட இது மேம்பட்டது, முன்னர் ஒரு லட்சம்தான் வரம்பு இருந்தது, இப்போது அது உயர்த்தப்படும் என்று சிலர் பேசுகிறார்கள். உண்மையில், சமூக ஊடகங்களில் இந்தப் பிரச்சினை எழுப்பப்பட்ட பிறகுதான் மைய நிதியமைச்சர் வாயைத் திறந்தார். இந்த மசோதா நாடாளுமன்ற நிலைக்குழுவின் பரிசீலனையில்தான் இருக்கிறது. இன்னும் நிறைய திருத்தங்கள் செய்யப்படும் என்று திருவாய் மலர்ந்தார். சமூக ஊடகங்களில் பிரச்சினை எழுப்பப்படாமல் போயிருந்தால் அப்படியே சட்ட மசோதாவாக முன்வைத்திருப்பார்கள் என்ற அச்சம் நியாயமானதே. நில கையகப்படுத்தல் மசோதாவை பல முறை அவசரச் சட்டமாக நிறைவேற்றிய அரசு இது என்பதை மறந்து விட முடியாது. 
கவனிக்க வேண்டியது என்னவென்றால், இங்கேயும் டெபாசிட் இன்ஷ்யூரன்ஸ்க்கு உட்பட்ட தொகைக்கு மட்டுமே முதல் முன்னுரிமை.  ஏற்கெனவே இதேபோன்ற டெபாசிட் இன்ஷ்யூரன்ஸ் இருக்கிறது. எனவே இதில் புதிதாக ஏதுமில்லை. இன்ஷ்யூரன்சின் கீழ் வராத டெபாசிட் தொகைக்கு இந்தச் சட்டத்தில் ஐந்தாவது இடம்தான்! 1961 முதல் இருந்து வருகிற டெபாசிட் இன்ஷ்யூரன்ஸ் திட்டத்தில் உள்ள 1 லட்சம் ரூபாய் என்ற வரம்பு இந்த மசோதாவால் நீக்கப்பட்டதா? ஒரு லட்சத்துக்கும் அதிகமாக ஒருவர் டெபாசிட் செய்திருந்தால் அந்தத் தொகை முழுவதும் கிடைக்க இது வழி செய்கிறதா?

இல்லை. முன்னர் என்ன இருந்த்தோ அதுவேதான் இப்போதும் இருக்கிறது. ஆனால் சிறு வித்தியாசம் : முன்னர் ரிசர்வ் வங்கியின் கீழ் டெபாசிட் இன்ஷ்யூரன்ஸ் நிறுவனம் இருந்தது. இப்போது அந்தப் பணியை எடுத்துக்கொள்ளும் தீர்வு வாரியம், வங்கிகளுக்கு “குறிப்பிட்ட வரம்புக்குள்” டெபாசிட் காப்பீடு வழங்கும். அதாவது, வங்கி மூழ்குமானால், டெபாசிட் செய்தவருக்கு “குறிப்பிட்ட” தொகை கிடைக்கும். முந்தைய சட்டத்தின்படி ஒரு லட்சம் என்பது உச்சவரம்பு. இந்தச் சட்ட மசோதாவில் “ஒரு லட்சம்” என்றும் குறிப்பிடப்படவில்லை, முழுத் தொகை என்றும் தரப்படவில்லை. “குறிப்பிட்ட தொகை” தரப்படும் என்றுதான் கூறப்பட்டுள்ளது. திருப்பித் தரப்படுகிற “ஒரு லட்சம்” அல்லது “குறிப்பிட்ட” தொகைக்கு மேலான டெபாசிட் தொகையை டெபாசிட் செய்தவருக்கு வங்கியின் பங்குகளாக மாற்றித்தரவும் சட்டத்தில் வழி செய்யப்பட்டுள்ளது. (நிதிச்சிக்கலுக்கு ஆளான வங்கியின் பங்கை வைத்துக்கொண்டு நாக்கு வழிப்பதா என்பது வேறு கதை.)

அதாவது, சமூக ஊடகங்களிலும் பத்திரிகைகளிலும் வெளிவந்த செய்திகள் சரிதான். இது சட்டமான பிறகு, ஒருவேளை வங்கி மூழ்குமானால், டெபாசிட் செய்தவர்களுக்கு முழுத் தொகையும் கிடைக்காது. ஒரு லட்சமாவது கிடைக்குமா அல்லது அதுவும் கிடைக்காமல் போகுமா என்பதும் தெரியாது!


ஆக, இப்போதைக்கு அச்சப்படத் தேவையில்லை. வங்கியில் இருக்கும் உங்கள் பணத்துக்கு எந்த ஆபத்தும் இப்போதைக்கு இல்லை. ஆனால், நிலைக்குழுவின் பரிசீலனையில் இருக்கும் மசோதா நாடாளுமன்றத்தில் முன்வைக்கப்படும்போது, அது சட்டவடிவம் கொள்ளும்போது, எதிர்க்கட்சிகள் கவனமாக இருக்க வேண்டும். அப்போதும் சமூக ஊடகங்கள் விழிப்பாக இருக்க வேண்டும்.

வங்கிகளுக்கு என்ன சிக்கல் வந்து விடும்? அது எதற்கு மூழ்கும் என்ற கேள்வி வரக்கூடும். குஜராத்தில் ஒரு கூட்டுறவு வங்கியில் மிகப்பெரிய ஊழல் நடந்தது தவிர, இதுவரை இந்தியாவில் அப்படி ஏதும் நிகழவில்லை. (மாதவ்புரா வங்கி ஊழலில் சம்பந்தப்பட்டவரை விடுவிப்பதில் அமித் ஷா உள்பட பலருக்கும் பங்கு இருந்தது குறித்து ஏற்கெனவே பதிவு எழுதிவிட்டேன்) வங்கிகள் எதிர்கொள்ளும் சிக்கல்கள் பற்றி எழுத வேண்டுமானால் வங்கிகளின் வாராக்கடன் குறித்தும் எழுத நினைத்திருந்தேன். கட்டுரை மிகவும் நீளமாகி விட்டதால் ஒரே ஒரு விஷயத்தை மட்டும் தொடுகிறேன். 


(ரைட்-ஆஃப் என்பது வாராக்கடன் தள்ளுபடி அல்ல, அது ஒரு டெக்னிகல் சொல்தான் என்று பாடம் எடுக்க யாரும் வர வேண்டாம்.)
நாடாளுமன்றத்தில் ஆகஸ்ட் 11ஆம் தேதி ஒரு கேள்விக்கு பதிலளித்த நிதியமைச்சர் கூற்றுப்படி : 2013இன் கணக்குப்படி வாராக்கடன் 1,55,890 கோடி. 2017இல் 6,41,057. அதாவது, காங்கிரஸ்-யுபிஏ அரசின் காலத்தில் இருந்த தொகையைவிட மூன்று மடங்கு அதிகம். இந்தக் கணக்காண்டின் ஆறு மாதங்களில் மட்டும் வங்கிகள் ரைட்-ஆஃப் செய்த வாராக்கடன் தொகை 55,356 கோடி. படத்தைப் பார்த்து, எவருடைய ஆட்சியில் அதிகத் தொகை ரைட்-ஆஃப் செய்யப்பட்டது என்று நீங்களே பார்த்துக்கொள்ளுங்கள். வாராக்கடன்களில் பெரும்பகுதி உங்களையும் என்னையும் போன்றவர்கள் வாங்கிய சில்லறைக்கடன்கள் அல்ல. அதானிகள், அம்பானிகள், சிங்கானியாக்கள், டாடாக்கள், ஜிண்டால்கள், எஸ்ஸார்கள் வகையறாக்கள் வாங்கி நாமம் போட்டவைதான்.

மழைக்காடுகள் – உலகின் நுரையீரல்

மழைக்காடுகள் நில வாழிடத்தின் முக்கியப் பிரிவாகும். மழைக்காடுகள் அதிக அளவு ஆக்சிஜனை வழங்குவதால்
உலகின் நுரையீரல் என்று அழைக்கப்படுகின்றன.

இவ்வாழிடம் மிகவும் பழமையானதாகக் கருதப்படுகிறது. மழைக்காடானது புவியின் நிலப்பரப்பில் ஆறு சதவீதத்தை மட்டுமே கொண்டுள்ளது.

உலகில் உள்ள உயிரினங்களில் பாதிக்கும் மேற்பட்டவை மழைக்காடுகளில் காணப்படுகின்றன.

மழைக்காடுகள் பசுமையான, சூடான, ஈரமான, மரங்கள் அடர்ந்த வாழிடமாகும். இவ்வாழிடத்தில் மரங்கள் உயரமாகவும், அடர்ந்த இலைகளுடனும் காணப்படுகின்றன.

இவ்வாழிடத்தில் உயிரினங்கள் இன்றைக்கும் கண்டுபிடிக்கப்பட்டுக் கொண்டிருக்கின்றன.

அதிகளவு மழைப்பொழிவினைப் பெறுவதால் இவை ‘மழை’க்காடுகள் என்று அழைக்கப்படுகின்றன.

மழைக்காடுகளில் மரங்கள் அடர்ந்து காணப்படுவதால் மழைத்துளியானது மழைக்காடுகளின் உச்சியில் இருந்து தரையினை அடைய பத்து நிமிடங்கள் எடுத்துக் கொள்கிறது.

மழைக்காடானது அன்டார்டிக்காவைத் தவிர ஏனைய இடங்களில் காணப்படுகிறது.

மழைக்காடுகளின் வகைகள்

மழைக்காடுகளானது வெப்பமண்டல மழைக் காடுகள், மிதவெப்பமண்டல மழைக் காடுகள் என இரு பிரிவுகளைக் கொண்டுள்ளன.

வெப்பமண்டல மழைக்காடுகள்

வெப்பமண்டல மழைக்காடானது கடகரேகை மற்றும் மகரரேகைக்கு இடைப்பட்டப் பகுதிகளில் அமைந்துள்ளது. அதாவது பூமத்திய ரேகைக்கு மேலும் கீழும் உள்ளது.

இப்பகுதியில் சூரிய வெப்பமானது ஆண்டுமுழுவதும் அதிகளவும், ஒரே மாதிரியாகவும் இருக்கும். இங்கு காலநிலையானது வெப்பமாகவும், நிலையாகவும் இருக்கும்.

இங்கு சராசரி வெப்பநிலையானது 18 டிகிரி முதல் 27 டிகிரி செல்சியஸ் வரை இருக்கும். இவ்விடங்களில் மழைப்பொழிவு 175 செமீ முதல் 200 செமீ வரை இருக்கும்.

இவ்வகைக்காடுகள் ஆசியா, மத்திய ஆப்பிரிக்கா, ஆஸ்திரேலியா, மத்திய மற்றும் தென்அமெரிக்கா போன்ற இடங்களில் காணப்படுகின்றன.

உலக வெப்பமண்டல மழைக்காடுகளில் 57 சதவீதம் தென் மற்றும் மத்திய அமெரிக்காவிலும், 25 சதவீதம் ஆசியாவிலும், 18 சதவீதம் மத்திய ஆப்பிரிக்காவிலும் காணப்படுகின்றன.

அமேசான் உலகின் மிகப்பெரிய மழைக்காடாகும். ஆப்பிரிக்காவின் காங்கோ மழைக்காடானது உலகின் இரண்டாவது பெரிய மழைக்காடாகும்.

ஆசியாவில் இந்தியா, மியன்மார், பிலிபைன்ஸ், மலேசியா, இந்தோனேசியா, பாப்பு நியூ கினியா, இலங்கை உள்ளிட்ட இடங்களில் இவ்வகைக் காடுகள் காணப்படுகின்றன.

ஆப்பிரிக்காவில் கேமரூனிலிருந்து காங்கோ வரையிலும், மடகாஸ்கர் பகுதிகளிலும், ஆஸ்திரேலியாவின் வடக்குப் பகுதியிலும் இவ்வகைக் காடுகள் காணப்படுகின்றன.

தென்அமெரிக்காவில் பிரேசில், பெரு, பொலிவியா, வெனிசுலா, கொலம்பியா, ஈகுவடார் போன்ற நாடுகளிலும், மத்திய அமெரிக்காவில் போசாவாஸ், தெற்கு யுகடன் தீபகற்பம் உள்ளிட்ட இடங்களிலும் இவ்வகைக் காடுகள் உள்ளன.

வெப்பமண்டல மழைக்காடுகளின் அடுக்குகள்

வெப்பமண்டல மழைக்காடானது நான்கு உயிரின அடுக்குகளைக் கொண்டுள்ளது.

அவை வெளிப்புற அடுக்கு, மரக்கவிகை அடுக்கு, மரக்கீழ் அடுக்கு, காட்டுத்தரை ஆகும். அந்தந்த அடுக்குகளில் காணப்படும் சூழ்நிலைக்கு ஏற்ப பல்வேறு உயிரினங்கள் அவ்விடங்களில் வாழ்கின்றன.

வெளிப்புற அடுக்கு

வெளிப்புற அடுக்கு என்பது மரக்கவிகைக்கு மேலே உள்ள பகுதியைக் குறிக்கும். இவ்வடுக்கில் மிகப்பெரிய மரங்கள் குறைந்த அளவு காணப்படுகின்றன.

இம்மரங்களின் உயரம் 45 முதல் 55மீ வரை இருக்கிறது. சில மரங்கள் 70-80மீ உயரம் வரை வளருவதும் உண்டு. இவ்வடுக்கில் உள்ள மரங்கள் அதிக வெப்பத்தையும், காற்றின் வேகத்தையும் தாங்க வல்லன.

கழுகுகள், வண்ணத்துப்பூச்சிகள், வெளவ்வால்கள், சிலவகைக் குரங்குகள் இவ்வடுக்கில் காணப்படுகின்றன.

மரக்கவிகை அடுக்கு

இப்பகுதியில் 30-45மீ உயரம்வரை வளரும் மரங்கள் காணப்படுகின்றன. இப்பகுதியில் மரங்கள் ஒன்றுடன் ஒன்று கொடிகளால் பின்னப்பட்டு தொடர்ச்சியாக சேர்ந்து குடை போன்ற அமைப்பில் இருக்கிறதால் இது மரக்கவிகை என்று அழைக்கப்படுகிறது.

இப்பகுதியில்தான் மழைக்காட்டு உயிரினங்கள் அதிகளவு உள்ளன. உலகின் 50 சதவீத மரங்கள் இவ்வடுக்கில் காணப்படுகின்றன.

இவ்வடுக்கில் தான் ஒட்டியுள்ள மரங்களுக்கு தீங்குவிளைவிக்காத மேலொட்டிகள் காணப்படுகின்றன. இவை மழையிலிருந்து ஒட்டியுள்ள மரத்தின் சிதைப்பொருட்களில் இருந்தும் நீரினையும், கனிமங்களையும் பெற்றுக் கொள்கின்றன.

இங்கு காணப்படும் தாவரங்கள் அழகான நீள்வட்ட கூரிய முனைகளை உடைய இலைகளைக் கெண்டுள்ளன.

இவ்வடுக்கில் ஓக்காப்பி, டார்சியரின், பாசிலிகஸ் பல்லிகள், பலவகையான பாம்புகள், மரத்தவளைகள், தேவாங்குகள், இருவாட்சிகள் உள்ளிட்ட பறவையினங்கள் காணப்படுகின்றன.

மரக்கீழ் அடுக்கு

மரகவிகைக்கும், காட்டுத்தரைக்கும் இடைப்பட்ட பகுதி மரக்கீழ் அடுக்கு என்று அழைக்கப்படுகிறது. இவ்வடுக்கில் 5 சதவீத சூரிய ஒளியே கிடைக்கப்படுகிறது.

இங்கு காணப்படும் தாவரங்களில் இலைகள் அகன்று பெரிதாக இருக்கும். மரக்கவிகை அடுக்கிற்கு வளரவுள்ள மரக்கன்றுகள் பலவும் இவ்வடுக்கில் காணப்படும். இவ்வடுக்கை செடி அடுக்கு என்றும் சொல்லலாம்.

இவ்வடுக்கில் பலவிதமான பறவைகள், பாம்புகள், பல்லிவகைகள், சிறுத்தை, சிறுத்தைப்புலி உள்ளிட்டவைகள் இவ்வடுக்கில் காணப்படுகின்றன.

காட்டுத்தரை

வெப்பமண்டல காடுகளின் கடைசி அடுக்கு காட்டுத்தரை என்றழைக்கப்படுகிறது. இவ்வடுக்கானது 2 சதவீத சூரிய ஒளியையே பெறுகிறது.

குறைவான சூரிய ஒளியில் வாழும் உயிரினங்கள் மட்டும் இவ்வடுக்கில் காணப்படுகின்றன. இவ்வடுக்கு இறந்து சிதைந்து கொண்டிருக்கும் தாவர மற்றும் விலங்குகளைப் பெற்றிருக்கிறது.

இவ்வடுக்கானது இளஞ்சூடான ஈரப்பதத்துடன் உள்ளதால் இறந்த உயிரினங்கள் விரைந்து சிதைந்து விடுகின்றன. குறைந்த சூரிய ஒளி மற்றும் இவ்வடுக்கில் காணப்படும் பூஞ்சைகளின் காரணமாக இங்கு தாவர வளர்ச்சி மிகக்குறைந்த அளவே உள்ளது.

இங்குள்ள மண்ணானது தரம் குறைந்ததாக உள்ளது. இரும்பு மற்றும் அலுமினிய ஆக்ஸைடுகளினால் மண் சிவப்பாகக் காணப்படுகிறது.

இங்குள்ள மரங்களின் வேர்கள் நிலத்தின் மேற்புறத்திலேயே காணப்படுகிறது. ஏனெனில் இங்கு மண்ணின் மேலடுக்கில்தான் சத்துகள் நிரம்பிக் காணப்படுகிறது.

மிதவெப்பமண்டல மழைக்காடுகள்

மிதவெப்பமண்டல மழைக்காடுகள் மிதவெப்பமண்டலத்தில் அதிக மழைப்பொழிவினைப் பெறும் பகுதிகளில் மட்டும் காணப்படுகின்றன. இவை பெரும்பாலும் கடற்கரையினை ஒட்டிய பகுதிகளில் அமைந்துள்ளன.

இங்கு ஆண்டு சராசரி மழைப்பொழிவு 140 செமீ ஆகும். இங்கு வெப்பநிலையானது 4 டிகிரி முதல் 12 டிகிரி செல்சியஸ் வரை உள்ளது.

இவை உலகின் சில இடங்களில் மட்டும் உள்ளன. வடஅமெரிக்காவில் வடமேற்கு பசிபிக் பகுதிகள், பிரிட்டானிய கொலம்பிக் கரையோரங்கள் ஆகியவற்றிலும் ஐரோப்பாவில் அயர்லாந்து, ஸ்காட்லாந்து, துருக்கி, ஜார்ஜியா, ஸ்பெயின் ஆகியவற்றிலும் இவை காணப்படுகின்றன.

கிழக்காசியாவின் தாய்வான், தென்சீனா, ஜப்பான், கொரியா போன்ற இடங்களிலும், தென்அமெரிக்காவின் தெற்கு சிலி, ஆஸ்திரேலியா, நியூசிலாந்து போன்ற இடங்களிலும் இவ்வகைக் காடுகள் உள்ளன.

இவ்வகைக் காடுகளில் கடற்கரை செம்மரம், பயர் வீட், சங்க் கேப்பேஜ் உள்ளிட்ட தாவரங்கள், தாவர தொற்றுண்ணிகளான மோசஸ், லைக்கன்கள் போன்றவையும் இங்கு காணப்படுகின்றன.

மலைச்சிங்கம், எல்க் மான்கள், மரத்தவளைகள், வேரிட் திரஸ் உள்ளிட்ட பறவையினங்கள் இங்கு காணப்படுகின்றன.

மழைக்காடுகளின் முக்கியத்துவம்

மழைக்காடானது உலகின் உணவுக்கிட்டங்கியாக உள்ளது. காப்பி, வாழை, கொட்டைகள், அன்னாசிபழங்கள், கோகோ, பேப்பர், மூங்கில், இரப்பர், தேங்காய், வென்னிலா, மஞ்சள், இஞ்சி உள்ளிட்டவைகள் இக்காடுகளிலிருந்து பெறப்பட்டவையே.

உலகின் நுரையீரல் என்று இவை அழைக்கப்படுகின்றன. உலகில் உள்ள ஆக்ஸிஜனின் 20 சதவீதத்தினை இக்காடுகள் வழங்குகின்றன.

உலகில் தற்போது உள்ள மருந்துக‌ளில் 25 சதவீதம் இக்காடுகளிலிருந்து பெறப்பட்டவை ஆகும்.

இக்காடுகள் உலகில் உள்ள நீர்சுழற்சியினை சமநிலைப்படுத்துகின்றன.

பூமியில் உள்ள நீரினை உறிஞ்சி காற்று மண்டலத்தில் வெளியிட்டு மழையைப் பெய்யச் செய்கிறது.

மழைக்காடுகளில் விழும் இலைகள் பரந்து விரிந்து பெரிய பஞ்சினைப் போன்று செயல்படுகின்றன. மழைநீரினை இவைகள் உறிஞ்சி ஆறுகளாகவும், ஓடைகளாகவும் தொடர்ந்து வெளியிடுகின்றன.

மழைக்காடுகளில் உள்ள மரங்கள் மண்அரிப்பு, வெள்ளப்பெருக்கு, வண்டல் படிவு ஆகியவற்றைத் தடுக்கின்றன.

மழைக்காடுகளுக்கு ஏற்பட்டுள்ள பாதிப்புகள்

மனிதன் தனது தேவைகளான சாலை வசதி, பேப்பர் தயாரிப்பு, வேளாண்மை, எரிபொருள், கட்டிடங்களுக்கான மரங்கள் உள்ளிட்டவைகளுக்காக இவ்வகைக் காடுகளை அழித்துக் கொண்டிருக்கிறான். இதனையே நாம் காடழிப்பு என்கிறோம்.

காலநிலை மாறுபாடு இவ்வகைக்காடுகளில் பெரிய மாற்றத்தினை ஏற்படுத்தியுள்ளது. காலநிலை மாறுபாடு அமேசான் மற்றும் தென் மற்றும் தென்கிழக்கு ஆசியநாடுகளின் காடுகளில் வறட்சியை உண்டாக்கியுள்ளது.

காட்டில் வறட்சி ஏற்படும்போது காட்டுத்தீ உண்டாகி காற்று மாசுப்பாட்டை அதிகளவு ஏற்படுத்துகிறது.

மழைக்காடுகளில் அவ்விடத்தினைச் சாராத தாவர மற்றும் விலங்குகளை அறிமுகப்படுத்தும்போது அவ்வுயிரினங்களின் செயல்பாடுகளால் காடானது அழிக்கப்படுகிறது.

மழைக்காடுகளின் பாதுகாப்பிற்கு நாம் செய்ய வேண்டியவை

நாம் உண்டாக்கும் கழிவுப்பொருட்களின் அளவு மற்றும் எண்ணிக்கையைக் குறைக்க வேண்டும்.

நாம் பயன்படுத்தும் பொருட்களை முடிந்தளவு மறுபடியும் பயன்படுத்த முயற்சிக்க வேண்டும்.

முடிந்தளவு மறுசுழற்சி செய்து பயன்படுத்தக் கூடிய பொருட்களைப் பயன்படுத்த வேண்டும்.

பிளாஸ்டிக், கார்டுபோட்டு, பேப்பர், கண்ணாடி, அலுமினியம் உள்ளிட்ட பொருட்களை மறுபடியும் மற்றும் மறுசுழற்சி செய்தும் பயன்படுத்த வேண்டும்.

சுற்றுச்சூழலுக்கு தீங்கு விளைவிக்காத பொருட்களை பயன்படுத்த வேண்டும்.

மக்களிடம் மழைக்காடுகளின் முக்கியத்துவம், அவற்றைப் பாதுகாப்பதன் அவசியம் ஆகியவற்றை வலியுறுத்தி மழைக்காடுகளை பாதுகாப்பது ஒவ்வொருவரின் கடமை என்பதை உணர்த்த வேண்டும்.

மழைக்காடுகள், அவற்றின் ஆச்சர்யங்கள், அழகுகள் ஆகியவற்றை நாம் ரசித்தது போல் நம் சந்ததியினரும் ரசிக்க நடவடிக்கை எடுப்போம்.