பிராமிசரி நோட்டை பற்றிய முழுமையான விளக்கம்

 *பிராமிசரி நோட்டை பற்றிய முழுமையான விளக்கம்.* 

 *பிராமிசரி நோட் என்றால் என்ன?* 

பண்டைய கால மக்களிடம் பண்ட மாற்றுமுறை இருந்தது வந்தது. பின்னர் அரசர்கள் தங்கள் முத்திரையுடன் கூடிய தங்கம், வெள்ளி, பித்தளை மற்றும் தோல் இவற்றின் அடையாள வில்லைகளை உறுதிச் சீட்டாகக் கொடுத்தார்கள். இது பண்டைய கால மக்களிடம் பொதுவாக புழக்கத்தில் இருந்தது. வியாபாரிகள் தங்களுக்கு வசதியாக உண்டி என்னும் சீட்டுக்களை மட்டுமே உபயோகித்துக் கொண்டார்கள். காலம் மாற மாற வேறு வேறு முறைகள் வந்து விட்டன.

பிராமிசரி நோட் PROMISSORY NOTE இதை புரோ நோட்டு என்றும் கடன் உறுதிச் சீட்டு என்றும் சொல்லுவோம்.

ஒருவர் மற்றொருவரிடம் கடன் வாங்கியதற்கு அத்தாட்சியாக எழுத்து மூலம் உறுதி செய்து கொள்வதற்கு இந்த பிரமிசரி நோட் (PROMISSORY NOTE)  பயன் படுத்தப் படுகின்றது. இதை தமிழில் சுருக்கமாக புரோநோட் என்று சொல்கிறோம்.

இந்த பிராமிசரி என்பது I Promise to pay you அதாவது பணம் தருவதாக உறுதியளிக்கிறேன் என்று கூறும் சான்றாவணம் தான் பிராமிசரி நோட். ஒரு சீட்டில் எழுதிக் கொடுத்து அவசரத்துக்கு கடன் பெறும் இந்த முறையை உலகிலுள்ள பல நாடுகள் பின்பற்றுகின்றனர்.

கடனாக பணம் கொடுத்தவர் அந்த கடனை திருப்பி கேட்டவுடன் கடன் வாங்கியவர் எந்தவித நிபந்தனையும் இன்றி வாங்கிய கடனை அவருக்கு திருப்பிக் கொடுக்க  வேண்டும். இதுவே இந்த புரோ நோட்டின் சாராம்சம் ஆகும்.

குறிப்பாக பிராமிசரி நோட்டில் நிபந்தனைகள் இருக்க கூடாது. அதாவது நான் உங்களிடம் வாங்கிய பணத்தை திருப்பி தரவில்லை என்றால் நீங்கள் நீதிமன்றத்தில் வழக்கு போடலாம் எனது சொத்துக்களை எடுத்துக் கொள்ளலாம் என பிராமிசரி நோட்டில் எழுத கூடாது அப்படி எழுதினால் அது உடன்படிக்கைகள் மற்றும் ஒப்பந்தங்கள் பாண்ட் (Bond) என்பது போல் ஆகிவிடும். பிராமிசரி நோட்டிற்கு எந்த வித நிபந்தனையும் இருக்க கூடாது.

மாற்றுமுறை ஆவணச் சட்டத்தில் நான்காவது விதியில் பிராமிசரி நோட்டு பற்றி குறிப்பிடப்பட்டு உள்ளது.

 *பிராமிசரி நோட்டின் சிறப்புகள் என்ன?* 

இந்த கடனுறுதி பத்திரத்தை or பிராமிசரி நோட்டை முத்திரைத் தாளில் எழுத வேண்டியதில்லை.

எங்கும் பதிவு செய்ய வேண்டும் என்பதில்லை.

சாதாரணப் பேப்பரில் எழுதி, ஒரு ரூபாய் ரெவின்யூ ஸ்டாம்ப் ஒட்டினால் போதுமானது.

கடன் கொடுப்பவர் நிபந்தனைகள் விதிக்க வேண்டியதில்லை.

பிராமிசரி நோட்டுக்கு சாட்சிகள் தேவையில்லை.

பிராமிசரி நோட்டின் மூலமாக கடன் கொடுத்தவர், அந்த பிராமிசரி நோட்டில் பணத்தை வசூலித்துக் கொள்ள வேறு ஒருவருக்கு மாற்றிக் கொடுக்க முடியும். இதை  made-over மேடோவர் என்பர். 

 *பிராமிசரி நோட்டின் முக்கிய விதிகள் என்ன?* 

கடனைப் பெற்ற நபர் கடனை கொடுத்தவர் திரும்ப கேட்டவுடன் எந்தவித நிபந்தனையும் இல்லாமல் பணம் வாங்கியவர் கடனை திரும்ப கேட்டவுடன்  கடன் கொடுத்தவருக்கு திருப்பிக் கொடுக்க  வேண்டும். 

ரெவின்யூ ஸ்டாம்ப் ஒட்டாமல், கடன் வாங்கியவர் பிராமிசரி நோட்டில் கையெழுத்து போட்டால் அந்த பிராமிசரி நோட்டு செல்லாது.

நிபந்தனைகள் விதிக்கப்பட்ட பிராமிசரி நோட்டுகள் செல்லாது.

பிராமிசரி நோட்டு எழுதப்பட்ட நாளில் இருந்து தொடர்ந்து மூன்று வருடங்களுக்கு பிறகு செல்லாது.

கடன் பெற்றவர் வட்டியோ அல்லது அசலோ கடன் வாங்கியவரிடம்  கொடுக்கும் போது பிராமிசரி நோட்டின் பின்புறத்தில் எழுதி அவரது கையெழுத்தை வாங்கிக்கொள்ள வேண்டும்.

அசலும் வட்டியுமாக மொத்தத் தொகையையும் கடன் வாங்கியவர் செலுத்திவிட்டால், பிராமிசரி நோட்டில் கடன் கொடுத்தவரிடம் எழுதி வாங்கிக் கொள்ள வேண்டும்.

முழுப்பணமும் செலுத்திய பிறகு, எக்காரணத்தை முன்னிட்டும் பிராமிசரி நோட்டை வாங்க மறக்கக் கூடாது.

 பிராமிசரி நோட்டை வாங்காமல் விட்டுவிட்டால், கடன் கொடுத்தவர், அதனை வேறு ஒருவருக்கு ”மேடோவர்” முறையில் எழுதிக் கொடுத்துவிட வாய்ப்பு உண்டு.

வட்டி மற்றும் அசல்,  கடன் வாங்கியவர் செலுத்தும்போது, அதனை பெற்றுக்கொண்டு கடன் கொடுத்தவர் தருகின்ற ரசீது செல்லாது.

கடனை பெற்றவர் அந்த கடனை திரும்பக் கொடுக்கவில்லை என்றால், காவல்நிலையத்தில் புகார் அளிக்க முடியாது. சிவில் வழக்கு தான் போடவேண்டும்.

  பிராமிசரி நோட்டின் கையெழுத்து என்னுடையது தான் என்று கடன் வாங்கியவர் ஒப்புக் கொண்டால் அதில் பணம் கொடுத்ததை தனியே நிரூபிக்க வேண்டிய அவசியம் இல்லை. 

பிராமிசரி நோட்டின் கையெழுத்து என்னுடையது தான் என்று கடன் வாங்கியவர் ஒப்புக் கொண்டால் பிராமிசரி நோட்டில் பணம் கொடுக்கபட்டுள்ளது என்று கோர்ட் கருத வேண்டும் என சட்டம் சொல்கிறது.

 *பிராமிசரி நோட்டின் சட்டம்  என்ன?* 

Promissory Note என்பது ஒரு நபர்  மற்ற நபருக்கு பணம் கொடுப்பது அந்த பணம் கொடுத்த விஷயத்தை உறுதி செய்து எழுதிக் கொடுத்த சீட்டு அல்லது பத்திரம் தான் பிராமிசரி நோட்.

இதை கட்டுப்படுத்த சட்டம் பில் ஆஃப் எக்ஸ் சேஞ்ச் Bill of Exchange என்ற வழிமுறையை சட்டம்படி வரையறுக்கிறது. 

அதில் கூறப்பட்டுள்ள என்னவென்றால் ஒரு பொருளுக்கு மாற்றாக கொடுக்கபடும் சீட்டு குறிப்பாக பணத்திற்கு அதாவது இந்த சீட்டை கொண்டுவரும் நபரிடம் இந்த தொகையை கொடுக்கும்படியோ கொடுத்து விட்ட படியோ எழுதிக் கொடுக்கும் சீட்டு தான் பில் ஆஃப் எக்ஸ் சேஞ்ச்.

இதில் செக் cheque க்கும் அடங்கும். செக் (Cheque)என்பது இதுவும் ஒரு பில் ஆப் எக்சன்ஸ் ஆகும்.  ஒரு வங்கிக்கு இந்த சீட்டைக் கொண்டுவரும் நபரிடம் வங்கி பணம் கொடுக்க வேண்டும் அந்த செக் cheque என்ற சீட்டிற்கு அதில் எழுதி இருக்கும் பணத்தின் மதிப்பு இருக்கிறது.

மேலே கூறப்பட்ட பில் ஆஃப் எக்ஸ் சேஞ்ச் சீட்டுகளில் அதை வைத்திருப்பவருக்கு இன்னெரு நபர் அவர் பெயருக்கு எழுதி கொடுத்திருப்பாரே ஆனால் அவருக்கு அந்த நபர் பணம் கொடுக்க வேண்டிய நபர் என கருதப்படும் செக் காசோலை என்ற சாதாரண தாள் தான் ஆனால் அதை எழுதி கொடுத்த நபர் அந்த காசோலையை (செக்) வைத்துள்ள நபருக்கு பணம் தர வேண்டும் என்று புரிந்து கொள்ள வேண்டும். 

இந்த பில் ஆஃப் எக்ஸ் சேஞ்ச் பணம் கொடுக்கல் வாங்கல்களை சீர்படுத்த மாற்றுமுறை ஆவண சட்டம் (Negotiable Instrument) என்ற சட்டம் கொண்டுவரப்பட்டது. இது இரு நபர்களிடையே கொடுக்கல் வாங்கல்களில் பிரச்சனை வராமல் தீர்வு பெற இச்சட்டம் வழிமுறையை வழங்கியுள்ளது.

மாற்று முறை ஆவணங்கள் சட்டம் (The Negotiable Instruments Act 1881) இந்த சட்டத்தின் பெயரிலேயே உங்களுக்கு தெரிந்திருக்கும் இதன் பயன்பாடு அதாவது பணத்திற்கு மாற்றாக கொடுக்கப்படும் ஆவணங்களை இந்த சட்டம் வரையறுக்கிறது. இந்த ஆவணகளினால் ஏற்படும் பிரச்சனைகளுக்கு தீர்வுகளை வழங்குகிறது.

 *மாற்று முறை ஆவணங்கள் சட்டத்தின் சில முக்கியமான சட்டங்கள்.* 

1) ஆரம்பநிலை (Sec.1 to 3) -  Preliminary (Sec.1 to 3)

2) குறிப்புகள், பில்கள், காசோலைகள் (பிரிவு.4 முதல் 25 வரை) -  Notes, Bills, Cheques (Sec.4 to 25)

3) குறிப்புகள், பில்கள், காசோலைகளுக்கான கட்சிகள் (பிரிவு.26 முதல் 45A வரை) - Parties to Notes, Bills, Cheques (Sec.26 to 45A)

4) பேச்சுவார்த்தை (Sec.46 to 60) - Negotiation (Sec.46 to 60)

5) வழங்கல் (பிரிவு.61 முதல் 77 வரை) - Presentment (Sec.61 to 77)

6) கட்டணம் மற்றும் வட்டி (பிரிவு.78 முதல் 81 வரை) - Payment and Interest (Sec.78 to 81)

7) குறிப்புகள், பில்கள் மற்றும் காசோலைகள் மீதான பொறுப்பிலிருந்து விடுபடுதல் (பிரிவு.82 முதல் 90 வரை) - Discharge from Liability on Notes, Bills, and Cheques (Sec.82 to 90)

8) அவமதிப்பு அறிவிப்பு (பிரிவு.91 முதல் 98 வரை) - Notice of Dishonour (Sec.91 to 98)

9) குறிப்பு மற்றும் எதிர்ப்பு (Sec.99 to 104A) - Noting and protest (Sec.99 to 104A)

10) நியாயமான நேரம் (பிரிவு.105 முதல் 107 வரை) - Reasonable time (Sec.105 to 107)

11) ஏற்றுக்கொள்ளுதல் மற்றும் பணம் செலுத்துதல் (பிரிவு.108 முதல் 116 வரை) - Acceptance and payment (Sec.108 to 116)

12) இழப்பீடு (Sec.117) - Compensation (Sec.117)

13) சான்றுகளின் சிறப்பு விதிகள் (பிரிவு.118 முதல் 122 வரை) - Special Rules of evidence (Sec.118 to 122) 

14) குறுக்கு சோதனைகள் (Sec.123 முதல் 131A வரை) - Crossed Cheques (Sec.123 to 131A)

15) சட்டதிட்டங்கள் (பிரிவு.132 மற்றும் 133) - Bills in sets (Sec.132 and 133)

16) சர்வதேச சட்டம் (பிரிவு.134 முதல் 137 வரை) - International Law (Sec.134 to 137)

17) அவமதிப்பு வழக்கில் தண்டனைகள் (பிரிவு.138 முதல் 148 வரை) -  Penalties in case of dishonour (Sec.138 to 148).

 *பிராமிசரி நோட்டு எழுதும் போது கவனிக்க வேண்டியவை* 

பிராமிசரி நோட் என்பது அவசரத் தேவைக்கு பணம் கொடுக்கல் வாங்கல் செய்வதற்கு மக்கள் சாதாரணமாக பயன்படுத்த கூடிய ஒன்று அதை எழுத பத்திரம் என்னும் ஸ்டாம்பு பேப்பர் தேவையில்லை ஆனால் பாண்டு எனப்படும் ஒப்பந்தங்கள் (agreement) நிபந்தனைகளோடு இவை ஸ்டாம்பு பேப்பரில் எழுத கூடியவை ஆகும்.

பிராமிசரி நோட் எழுதும் போது ரெவின்யூ ஸ்டாம்பு ஒன்று ஒட்ட வேண்டும்.

ரெவின்யூ ஸ்டாம்பு 25 பைசா மதிப்புக்கு மட்டும் ஒட்டினால் போதுமானது ஆனால் தற்போது 25 பைசா ரெவின்யூ ஸ்டாம்பு புழக்கத்தில் இல்லாத காரணத்தால் 1.ரூ ரெவின்யூ ஸ்டாம்பு ஒட்டலாம்.

எவ்வளவு பணமாக இருந்தாலும் 25 பைசா ரெவின்யூ ஸ்டாம்பே போதும்.

ஒரு பேப்பரில் ரெவின்யூ ஸ்டாம்பு ஒட்டி அதன் மேலாக கையெழுத்துப் போட வேண்டும் அப்போது தான் பிராமிசரி நோட் செல்லுபடி ஆகும்.

பிராமிசரி நோட் பத்திரத்தில் எழுத வேண்டியதில்லை. 

அசலையும் வட்டியையும் திருப்பிக் கொடுப்பதாக உறுதி செய்து எழுதினால் போதும். வேறு உறுதிமொழி வாசகங்கள் அல்லது உடன்படிக்கைகள் இருக்க கூடாது.

தேதி இருக்க வேண்டும். எழுதிக்கொடுப்பவர் பெயர் விலாசம், கடன் கொடுத்தவர் பெயர் விலாசம், கடன் தொகை, வட்டி, இவை இருந்தால் போதும்.

பிராமிசரி நோட்டை எழுதும் போது தவறுகள்  இல்லாமல் எழுத வேண்டும். ஏதாவது தவறுகள் ஏற்பட்டால் அதற்கு பக்கத்திலும் கையெழுத்துச் செய்து அதை உறுதிப்படுத்த வேண்டும்.

பிராமிசரி நோட்டுக்கு சாட்சிகள் தேவையில்லை. எப்படி செக் அதாவது காசோலைக்கு சாட்சிகள் போட மாட்டோமோ அப்படியே புரோ நோட்டுக்கும் சாட்சிகள் தேவையில்லை.ஆனால் தெரிந்த சாட்சிகள் வேண்டும் என்பதற்காக பிராமிசரி நோட்டில் சாட்சிகளின் கையெழுத்தையும் வாங்குகிறோம். அது அவசியம் இல்லை என்று சட்டம் சொல்கிறது.

ஒரு சாட்சியின் கையொப்பம் கட்டாயத் தேவை இல்லை என்றாலும், பரிவர்த்தனையிலிருந்து சுயாதீனமான ஒரு சாட்சியால் கையொப்பமிடப்பட்ட குறிப்பை வைத்திருப்பது நல்லது.

பிராமிசரி நோட்டின் மூலமாக கடன் கொடுத்தவர், அந்த பிராமிசரி நோட்டில் பணத்தை வசூலித்துக் கொள்ள வேறு ஒருவருக்கு மாற்றிக் கொடுக்க முடியும். இதை  made-over மேடோவர் என்பர். 

வேறு ஒருவர் பெயருக்கு மாற்றினால் அந்த தகவலை கடன் வாங்கியவருக்கு தெரியப்படுத்தினால் போதும். மாற்றி வாங்கிக் கொண்டவர் அந்த பிராமிசரி நோட்டுக்கு கொடுக்க வேண்டிய பணத்தை கடன் வாங்கியவரிடமிருந்து வசூல் செய்து கொள்ளலாம். இதனால்தான் இது மாற்று முறை ஆவணம் (Negotiable Instrument) என்று சொல்லப்படுகிறது.

பிராமிசரி நோட்டில் 25 பைசாவுக்கு குறைவான ரெவின்யூ ஸ்டாம்பு ஒட்டி இருந்தால் அந்த புரோ நோட்டு சட்டப்படி செல்லாது.

 பிராமிசரி நோட்டை எழுதிக் கொடுத்த தேதியில் இருந்து மூன்று வருட காலத்துக்குள் அந்த பணத்தை வசூல் செய்ய கோர்ட்டில் வழக்குப் போடலாம். அதைத் தாண்டி விட்டால் வழக்கே போட முடியாது. 

பிராமிசரி நோட்டின் தேதி மூன்று வருடம் என்பதால், அதற்கு முன்னர் அந்த பணத்திற்கான அசலையோ வட்டியையோ பெற்றதாக கடன் கொடுத்தவர் எழுதி கையெழுத்துப் போட்டால் அந்த பிராமிசரி நோட்டு  இன்னும் மூன்று ஆண்டுகளுக்குச் செல்லுபடியாகும். இப்படியாக எத்தனை ஆண்டுகள் வேண்டுமானாலும் நீட்டித்துக் கொள்ளலாம். ஆனால் கடன் வாங்கியவர் அதை அவ்வாறு எழுதிக் கொடுக்க வேண்டும்.

 பிராமிசரி நோட்டை On demand என்று எழுத வேண்டும் அதாவது கேட்கும்போது கொடுத்த பணத்தை திருப்பிக் கொடுக்க வேண்டும் என்று எழுதிக் கொள்ள வேண்டும். இன்னும் 6 மாதம் கழித்து தருகிறேன், ஒரு வருடம் கழித்து தருகிறேன் என்று எழுதி இருந்தால், அது அக்ரிமெண்ட் என்று கருதப்படும் இது மாற்று முறை ஆவணமாக வராது Otherwise than On Demand என்று வார்த்தை வரும் அதாவது காலங்கள் குறிப்பிட்டு பணத்தை திருப்பி கேட்பது அக்ரீமெண்ட் பாத்திரங்கள் என்ற ஒப்பந்த பத்திரமாக கருதப்படும்

பிராமிசரி நோட் எழுதும் போது அதற்குறிய வார்த்தைகள் தவிர வேறு வார்த்தைகளை உபயோகப்படுத்தக் கூடாது என்று சட்டம் சொல்கிறது.அதனால் அதை எழுதும் போது ஓரு வழக்கறிஞரின் ஆலோசனையை கேட்டு அறிந்த பிறகு எழுதுவது நல்லது.

 *பிராமிசரி நோட்டின் மூலம் பணம் கொடுத்ததை நிரூபிக்க வேண்டுமா?* 

பிராமிசரி நோட்டின் மூலம் பணம் கொடுத்ததை பணம் கொடுத்தவர் நிரூபிக்க வேண்டும். ஆனால் அந்த கடனை  வாங்கியவர் பிராமிசரி நோட்டில் உள்ளது என் கையெழுத்துத்தான் என்று ஒப்புக் கொண்டால், அவ்வாறு பணம் கொடுத்ததை நிரூபிக்கத் தேவையில்லை. 

 பிராமிசரி நோட்டின் மூலம் கடனை வாங்கிய நபர் நோட்டில் இருக்கும் கையெழுத்து என்னுடையது  இல்லை என்றாலோ, 

நான் பணமே வாங்கவில்லை என்று சொன்னாலோ பிராமிசரி நோட்டின் மூலம்பணம் கொடுத்தவர் பணம் கொடுத்ததையும் அவர் தான் கையெழுத்து போட்டார் என்பதையும் நிரூபிக்க வேண்டும்.

 *பிராமிசரி நோட்டிற்கு பணத்தை பெற்று தர வழக்கு போட்டால் வட்டியும் கிடைக்குமா?* 

 பிராமிசரி நோட்டில் என்ன வட்டியுடன் பணத்தை திருப்பி தருவதாக ஒப்புக்கொண்டாரோ அந்த வட்டியை வழக்கு போட்ட பிறகும் தர வேண்டும். 

ஆனால் அந்த பிராமிசரி நோட் வழக்கில் அந்த வழக்கு நடக்கும் காலம் அதாவது வழக்கு இரண்டு வருடம் நடக்கிறது என்றால் அந்த காலத்தில் கோர்ட் ஒரு வட்டியை நிர்ணயம் செய்யும். தற்போது வழக்கு முடிந்த பின்னர் உள்ள வட்டி வருடத்திற்கு 6% வட்டி என சிபிசி சட்டம் உறுதி செய்து விட்டது  அதற்கு மேல் உயர்த்தி கேட்க முடியாது.

 *பிராமிசரி நோட்டை ஸ்டாம்ப் பேப்பரில் எழுதலாமா?* 

பிராமிசரி நோட்டை பேப்பரில் தான் ரெவின்யூ ஸ்டாம்ப் ஒட்டி எழுத வேண்டும். பிராமிசரி நோட்டை ஸ்டாம்ப் பேப்பரில் எழுத வேண்டிய அவசியம் இல்லை. 

ஆனால் இன்னும் நிறைய மக்கள் வெறும் பேப்பரில் எழுதும் பிராமிசரி நோட்டை நம்ப மறுக்கிறார்கள். அவர்கள் ஸ்டாம்ப் பேப்பரில் எழுதும் வார்த்தையை முழுமையாக நம்புகிறார்கள் இது தவறான கருத்து. 

ஸ்டாம்ப் பேப்பரில் எழுத கூடாதா என்றால் ஸ்டாம்ப் பேப்பரில் எழுதினாலும் அதை சாதாரண பேப்பராக எண்ணி அதில் ரெவின்யூ ஸ்டாம்ப் ஒட்டி தான் எழுத வேண்டும் இல்லா விட்டால் அது செல்லுபடி ஆகாது. 

ரெவின்யூ ஸ்டாம்ப் ஒட்டாமல் ஸ்டாம்ப் பேப்பரில் பிராமிசரி நோட்டை எழுதினால் அது செல்லுபடி ஆகாது நீதிமன்றத்தில் வழக்கும் தாக்கல் செய்ய முடியாது.