அடிப்படை குடிமைக் கடமையை ஏற்கும் உறுதிமொழி

அனைவருக்கும் சுதந்திர தின நல்வாழ்த்துக்கள்!
கீழ்கண்ட உறுதிமொழியை

 தேசிய கொடியை ஏற்றிய பின் அனைவரும் வாசித்து ஏற்றுக்கொள்ளச் செய்தால் நன்றாக இருக்கும்.

$#################

அரசியல் அமைப்புச் சட்டப்பிரிவு 51 (அ) படி
அடிப்படை குடிமைக் கடமையை ஏற்கும் உறுதிமொழி

############################

 அரசியல் அமைப்புச் சட்டத்தின்படி நடந்து, அதன் குறிக்கோள்களையும், அரசியல் அமைப்புச்சட்டத்தின் பல்வேறு அமைப்புகளையும், தேசியக் கொடியையும், தேசிய கீதத்தையும் மதிப்பேன்.

 நாட்டு விடுதலைப் போராட்டத்திற்கு வித்திட்ட உன்னதமான குறிக்கோள்களைப் போற்றி அதன்படி நடப்பேன். இந்தியாவின் இறையான்மையையும் முழுமையையும் கடைபிடித்துக் காப்பேன்.

 நாட்டைப் பாதுகாத்து, நாட்டுப் பணி ஆற்றுவதற்கென்று அழைக்கப்படும் பொழுதெல்லாம் உடனுக்குடன் பணியாற்றுவேன்.

 மதம், மொழி, இனம், போன்ற வேறுபாடுகளைக் கடந்து இந்திய மக்கள் அனைவரிடமும் மனப்பூர்வமான சகோதரபாவத்தையும் நல் இணக்கத்தையும் வளர்ப்பேன்.

 மகளிரின் கண்ணியத்திற்கு இழுக்கு ஏற்படுத்தும் பழக்க வழக்கங்களைக் கைவிடுவேன்.

 பன்முகத் தன்மையுள்ள நமது கலாச்சாரத்தின் வளமான பாரம்பரியத்தைப் போற்றிப் பாதுகாப்பேன்.

 இயற்கைச் சுற்றுச் சூழலையும், ஆறுகள், காடுகள், வன உயிர்கள் ஆகியவற்றையும் பாதுகாத்து மேம்படுத்துவேன்.

 உயிரினங்கள் அனைத்திடமும் பரிவு காட்டுவேன்.

 அறிவியல் மனப்போக்கு, மனித நேயம், ஆராய்ச்சிகளிலும் சீர்திருத்தங்களிலும் ஆர்வம், போன்ற பண்புகளை எந்நாளும் வளர்ப்பேன்.

 பொதுச் சொத்தை கண்ணும் கருத்துமாகப் பாதுகாப்பேன். வன்முறையை அறவே தவிர்ப்பேன்.

 நாடு தொடர்ந்து வெற்றிகளைக் குவிக்கும் வகையில் தனி மனித மற்றும் கூட்டுச் செயல்பாடுகள் அனைத்துத் துறைகளிலும் உன்னதத்தை அடைய ஓயாது பாடுபடுவேன்.